ՀՀ ոստիկանապետը դպրոցականներին պարգևատրել է շնորհակալագրերով ու նվերներով․ ՏԵՍԱՆՅՈւԹ

Լուրեր

18.11.2026 | 11:12
Total Chess. Հայկ Մարտիրոսյանն առաջին օրը հաղթել է Ռիխարդ Ռապորտին
18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
Բոլորը

Ապրիլի 20-ին ոստիկանությունը հյուրընկալել էր հանրակրթական դպրոցների մեկ տասնյակից ավելի սաների: Ոստիկանության պետ, ոստիկանության գեներալ-մայոր Վահե Ղազարյանի հետ դպրոցականների հանդիպման առիթը ՀՀ ոստիկանության և կրթության, գիտության, մշակույթի և սպորտի նախարարության համատեղ կազմակերպած միջոցառումն էր: Մարտի 28-ից ապրիլի 8-ը հանրապետության հանրակրթական դպրոցների 4-ից 7-րդ դասարանցիների շրջանում անց էր կացվել «Ոստիկանի մասնագիտությունն իմ պատկերացմամբ» խորագրով շարադրության մրցույթ:

Դահլիճում մրցույթի հաղթողներն էին՝ ծնողների հետ: Հանդիպմանը ներկա էին նաև ոստիկանության պետի տեղակալ Կամո Ցուցուլյանը, ՀԱԱԳՎ պետ Գեորգի Այվազյանը, անչափահասների գործերով և ընտանիքում բռնության կանխարգելման վարչության ղեկավար կազմն ու ծառայողները:

Ոստիկանության պետ Վահե Ղազարյանը ողջունելով ներկաներին՝ նշեց, որ նման միջոցառում առաջին անգամ է անցկացվում, և մեծ պատիվ է ոստիկանությունում ընդունել հասարակության ապագա լիիրավ անդամներին, իմանալ ոստիկանի մասնագիտության վերաբերյալ նրանց պատկերացումներն ու կարծիքը:

Ելույթով հանդես եկավ նաև Կամո Ցուցուլյանը: Ոստիկանության պետի տեղակալը շնորհակալություն հայտնեց ծնողներին, ուսուցիչներին՝ հայրենասեր սերունդ դաստիարակելու համար, նաև հույս հայտնեց, որ նրանցից շատերը վաղը վստահաբար կարող են համալրել ոստիկանության շարքերը:
Մասնագետներն էին ընտրել լավագույններին: Մարզպետարանների կրթության, մշակույթի և սպորտի վարչության, նաև Երևանի քաղաքապետարանի հանրակրթության վարչության ներկայացուցիչները նախ առանձնացրել էին հաջողված 42 շարադրություն, որոնցից լավագույն տասնչորսի հեղինակներն արդեն ընտրվեցին ապրիլի 13-ին՝ Հայոց լեզվի հանրապետական օլիմպիադայի նախագահի հետ քննարկման արդյունքում:

Լավագույններից տասը մարզերից էին, չորսը՝ մայրաքաղաքից:

Ոստիկանները դպրոցականների շարադրություններից հատվածներ կարդացին:
Ոստիկանության պետ Վահե Ղազարյանը դպրոցականներին պարգևատրեց շնորհակալագրերով ու նվերներով: Նա ամփոփիչ խոսքում ևս մեկ անգամ կարևորեց ոստիկանություն-հասարակություն, ոստիկանություն-դպրոց կապը՝ ընդգծելով, որ ոստիկանության հանդեպ մեծանում է հասարակության վստահությունը:

Դպրոցականների համար ամենահետաքրքիրն, ինչ խոսք, պարեկային ոստիկանության մեքենան էր: Ոստիկանության ՀԱԱԳՎ պետ Գեորգի Այվազյանը համառոտ ներկայացրեց պարեկային ոստիկանության բնույթն ու առանձնահատկությունը: Դպրոցականները պարզեցին` պարեկը որ դեպքում ինչպես է օգտվում ռադիոկապից, մեքենան տեխնիկական ինչ հագեցվածություն ունի: Իսկ մեքենայում նստածների համար շատ բան ոչ միայն հասկանալի, այլև հասանելի էր:

Աշակերտները եղան նաև ոստիկանության օպերատիվ կառավարման կենտրոնում, իմացան քաղաքացիներից ստացված ահազանգերն ինչպես են գրանցվում և, ըստ ենթակայության, փոխանցվում տարածքային ստորաբաժանումներին կամ պարեկայիններին:

Ոստիկանության հետ համագործակցությունից գոհ էին նաև ծնողները:
Տպավորություններն աննկարագրելի էին, հանդիպումը` հետաքրքիր ու ճանաչողական: