29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հայաստանում շուրջ 3000 երեխա մանկական պալիատիվ օգնության կարիք ունի․ ՏԵՍԱՆՅՈՒԹ
20.04.2022 | 13:20
Հայաստանում շուրջ 3000 երեխա մանկական պալիատիվ օգնության կարիք ունի: Այս մասին «Բարելավվում է առողջապահական ծառայությունների որակը. ԱՆ-ն ներկայացրել է ռազմավարության նախագիծ» թեմայով ասուլիսում հայտնեց ՀՀ առողջապահության նախարարության հանրային առողջության բաժնի պետ Կարինե Գաբրիելյանը:
Նրա տեղեկացմամբ՝ԱՄՆ-ում 0-17 տարեկան բնակչության մոտ 27 տոկոսը՝ 11 միլիոն երեխա, ունի հատուկ կարիքների պահանջ, նրանց 15 տոկոսը պալիատիվ օգնության կարիք ունի: Զարգացող պետություններում այդ պահանջն ունեցող երեխաների թիվն ավելի մեծ է: ԱՄՆ-ում պալիատիվ օգնություն կարող է ցուցաբերվել ինչպես բժշկական հաստատություններում, այնպես էլ տնային կանչերի միջոցով:
«Հայաստանում 2021-ին բացվեց առաջին մանկական պալիատիվ հիվանդանոցային բաժանմունքը Յոլյանի անվան արյունաբանական կենտրոնում, ինչպես նաև Արաբկիր բժշկական համալիրում ևս երեք մահճակալ նախատեսված է այդ համալիրում բուժվող ծանր հիվանդություններ ունեցող երեխաների համար:
Ունենք երեխայակենտրոն սկզբունք, անհրաժեշտ է պալիատիվ օգնության հնարավրություն ստեղծել արտահիվանդանոցային պայմաներում, երեխային հարմար միջավայրում, ընտանիքի շրջապատում»,- նշեց Գաբրիելյանը:
Մանրամասները՝ տեսանյութում:
