18.09.2026 | 17:16
Կառլեն Հովհաննիսյանը՝ «Ակրոնում» առաջին գոլի ու հարմարվելու մասին
Կրեմլում հույս ունեն, որ Հայաստանում քաղաքական համաձայնություն ձեռք կբերվի
Քաղաքականություն
27.04.2018 | 16:42
Կրեմլում հույս ունեն, որ Հայաստանում քաղաքական ուժերի միջև համաձայնություն ձեռք կբերվի, ՀՀ վարչապետի ընտրություններին կհետևենք մայիսի 1-ին. այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, հաղորդում է ria.ru-ն:
Գործակալությունը նշում է, որ մայիսի 1-ին Հայաստանի խորհրդարանում կքննարկեն երկրի նոր վարչապետի ընտրության հարցը՝ ապրիլի 23-ին Սերժ Սարգսյանի հրաժարականից հետո: Ընդդիմադիրների առաջնորդ Նիկոլ Փաշինյանը պահանջում է, որ իրեն ընտրեն վարչապետ՝ հայտարարելով, որ հակառակ դեպքում իր կողմնակիցները մասսայական բողոքի ակցիաներ կիրականացնեն Երևանում և ողջ հանրապետությունում:
«Բանակցություններ են ընթացել գերատեսչությունների մակարդակով, եղել է նաև հեռախոսազրույց: Այդ շփումը հիմնականում կենտրոնացած է եղել Հայաստանում առաջացած ճգնաժամային իրավիճակի շուտափույթ կարգավորման ուղղությամբ: Կարգավորումն իհարկե, պետք է լինի սահմանադրական շրջանակներում այնպես, որ համաձայնություն գտնվի բոլոր շահագրգիռ կողմերի միջև: Այժմ բոլորս սպասում ենք և հետևում ենք վարչապետի ընտրություններին, որոնք կկայանան խորհրդարանում մայիսի 1-ին»,- ասել է Պեսկովը:
