29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ի՞նչ սպասել Փաշինյան-Պուտին հանդիպումից․ Ղարաբաղի հարց, պատերազմի ընթացք․ ՈւՂԻՂ
Քաղաքականություն
19.04.2022 | 19:18
ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպումը Մոսկվայում արդեն սկսվել է։ Փաշինյանը Պուտինի հրավերով այցելել է Ռուսաստան՝ միջազգային և տարածաշրջանային չափազանց մեծ լարվածության պայմաններում։ Ուկրաինայի դեմ պատերազմի 55-րդ օրն էլ սկսվել են մարտերը Դոնբասի համար՝ ճեղքման փորձ է արվում, որին, ըստ Զելենսկիի, ռուսները պատրաստվել են երկար ժամանակ։
Ռուսաստան Փաշինյանի այցից հետո ՀՀ-ին կհաջողվի՞ պահպանել չեզոքությունը ուկրաինական ուղղությամբ։ Նիկոլ Փաշինյանը Մոսկվա այցից առաջ խոսել է Եվրոպական խորհրդի նախագահ Շառլ Միշելի հետ, ում միջնորդությամբ ՀՀ-ն և Ադրբեջանը սկսել են պատրաստել խաղաղության պայմանագրի շուրջ բանակցությունները։ ՌԴ-ն, թեև դե ֆակտո Մինսկի խմբից դուրս է մղված, բայց շարունակում է մնալ ՀՀ-Ադրբեջան հարաբերությունների կարգավորման գործընթացում։ Արդյո՞ք Մոսկվան շահագրգիռ է, որ Բաքուն և Երևանը կնքեն պայմանագիր։ Եվ, ի վերջո, Ղարաբաղին ի՞նչ ճակատագիր է պատկերացնում Մոսկվան։
Factor TV-ի ուղիղ եթերում քննարկում է, որին մասնակցում են «Ազատ քաղաքացի» ՀԿ ղեկավար Հովսեփ Խուրշուդյանը, ազգային անվտանգության և ռազմական հարցերով փորձագետ Հրաչյա Արզումանյանը, արևելագետ Արմեն Պետրոսյանը, ադրբեջանագետ Տաթևիկ Հայրապետյանը և «Հայաստանի Եվրոպական կուսակցության» ղեկավար Տիգրան Խզմալյանը։
