20.08.2026 | 23:01
«Նոան» նոր գլխավոր մարզիչ ունի
Թալիբները խոստացել են պաշտպանել Աֆղանստանում իրանցի դիվանագետներին
Քաղաքականություն
19.04.2022 | 22:18
Իրանի արտգործնախարար Ամիր Աբդոլլահիանը հեռախոսազրույց է ունեցել Թալիբանի արտաքին գործերի նախարար Ամիր Խան Մութթաքիի հետ։ Այս մասին հաղորդում է Mehr գործակալությունը։
Մութաքին ափսոսանք է հայտնել Քաբուլում Իրանի դեսպանատան և Հերաթում հյուպատոսության վրա վերջին հարձակումների համար և խոստացել է, որ թալիբները կապահովեն Աֆղանստանում իրանցի դիվանագետների և դիվանագիտական առաքելությունների անվտանգությունը:
Աբդոլլահիանը հիշեցրել է, թե ինչպես է Իրանը օգնում աֆղան փախստականներին ավելի քան 40 տարի և ափսոսանք է հայտնել նպատակային, չարամիտ և կեղծ քարոզչության համար, որը սոցիալական ցանցերում տարածվել են Իրանի և Աֆղանստանի միջև լավ հարաբերությունների թշնամիների և հակառակորդների կողմից:
Նշելով Իրանի կառուցողական մոտեցումը՝ Աբդոլլահիանը կոչ է արել թալիբներին պաշտպանել դիվանագիտական ներկայացուցչությունները և իրականացնել երկկողմ համաձայնագրեր, այդ թվում՝ ջրային ոլորտում։
Մութաքին իր հերթին շնորհակալություն է հայտնել Իրանի կառավարությանն ու ժողովրդին դժվարին պայմաններում հյուրընկալության համար և ընդգծել Աֆղանստանի վճռականությունը՝ ընդլայնելու հարաբերություններն ու համագործակցությունը Իրանի հետ։
Ավելի վաղ Քաբուլում Իրանի դեսպանատան և Հերաթում գլխավոր հյուպատոսության դիմաց բողոքի ցույցեր են անցկացվել, դիվանագիտական ներկայացուցչությունների վրա քարեր են նետվել։
Հերաթի բնակիչները բողոքի ցույց են անցկացրել Իրանում աֆղան փախստականների և միգրանտների նկատմամբ ճնշումների դեմ։ Ցույցին մասնակցել է մի քանի հարյուր մարդ։ Ապրիլի 7-ին աֆղանական TOLO News հեռուստաալիքը հայտնել է, որ Իրանում աֆղան փախստականները բողոքում են երկրում իրենց գտնվելու պայմանների վատթարացումից։ Նրանցից շատերը չունեն փաստաթղթեր, այդ թվում՝ վիզա։ Նշվել է, որ սոցիալական ցանցերում տեսանյութեր են տարածվում, որտեղ երևում է, որ «Իրանում աֆղան փախստականները հետապնդվում և խոշտանգվում են»։ Իր հերթին, Քաբուլում Իսլամական Հանրապետության դեսպանությունը հերքել է այս տվյալները՝ դրանք անվանելով ոչ հավաստի։
Տաթև Ֆռանգյան
