19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Պետք է մեդիաոլորտը կարգավորող քաղաքականություն մշակեն և միայն հետո օրենքներ ընդունեն. Աշոտ Մելիքյան․ ՏԵՍԱՆՅՈՒԹ
Հասարակություն
19.04.2022 | 13:03
Տարիներ շարունակ լրագրողական կազմակերպությունները բարձրաձայնել են օրենսդրական բարեփոխումների անհրաժեշտության մասին: Մենք համարում ենք, որ կարկատանի նման հատվածական փոփոխություններ են իրականացվում, մինչդեռ Մեդիայի վերաբերյալ օրենսդրության լրջագույն փոփոխությունների անհրաժեշտություն կա: Այս մասին Հայաստանում մեդիային վերաբերող օրենսդրության բարեփոխումների անհրաժեշտության խնդրին նվիրված կլոր սեղան- քննարկման ժամանակ նշեց Խոսքի ազատության պաշտպանության կոմիտեի նախագահ Աշոտ Մելիքյանը:
«Բավական է ասել, որ Զանգվածային լրատվության մասին ՀՀ օրենքն ընդունվել է դեռևս 2003 թվականին և տեղեկատվական նորագույն տեխնոլոգիաների սրընթաց զարգացման պայմաններում ամենևին էլ չի արտացոլում բոլոր այն խնդիրներն ու իրողությունները, որոնք առաջացել են լրատվական դաշտում վերջին 20 տարվա ընթացքում:
Ի դեպ, Տեղեկատվության ազատության մասին օրենքը նույնպես 2003-ին է ընդունվել և այն ևս հաշվի չի առնում ո՛չ ներկա ժամանակների տեղեկատվական առաջընթացը, ո՛չ էլ լրատվական դաշտում առաջացած նոր իրավահարաբերությունները»,- նշեց Մելիքյանը:
նա նաև ընդգծեց, որ իշխանությունները նախ պետք է մեդիաոլորտը կարգավորող քաղաքականություն մշակեն և հետո միայն օրենքներ ընդունեն:
Մանրամասները՝ տեսանյութում:
