22.01.2026 | 09:45
ԱՄՆ-ը Գրենլանդիայի պատճառով կհրաժարվի եվրոպական երկրների նկատմամբ նոր մաքսատուրքերից․ Թրամփ
Սա ազգային զարթոնք է, որը թույլ տվեց մոբիլիզացնել բոլոր ուժերը. Եղիշե Պետրոսյան. ՏԵՍԱՆՅՈՒԹ
Քաղաքականություն
27.04.2018 | 14:17
Այն ինչ պիտի մի օր տեղի ունենար, տեղի ունեցավ: Ցավոք, մենք հետևություններ չենք անում և կտրվել ենք մեր իրականությունից, ինձ մի բան է հուսադրում, որ մեր հասարակությունը անտարբեր չի այն ամենի նկատմամբ, ինչ կատարվում է այսօր. այսօր լրագրողների հետ զրույցում ասաց գեղանկարիչ Հաղթանակ Շահումյանը:
«Այս անգամ մենք ևս համոզվեցինք, որ անկախ մեր կրթական համակարգի կործանված վիճակից մենք հրաշալի երիտասարդություն ունենք, և՛ պատրաստված, և՛ նվիրյալ: Ու շատ լավ է, որ արտահայտվեցին և ոչ թե շատերի նման իրենց դժգոհությունը արտահայտեցին երկրից հեռանալով»,- ասաց նա:
Նա նկատեց, որ այս անգամ առանձնահատուկ վերաբերմունք եղավ նաև իշխանությունների կողմից. «Ու այն, որ ցավալի դեպքեր չեղան, արդեն իսկ մի հուսադրող պահ կա այս ամենի մեջ: Սերժ Սարգսյանի հրաժարականը, կարծես թե, կոչ էր մի նոր միջավայր ստեղծելու»:
Ասուլիսի մյուս բանախոս՝ երգիչ-երգահան Եղիշե Պետրոսյանն ասաց. «Սա ազգային զարթոնք է, որը թույլ տվեց մոբիլիզացնել բոլոր ուժերը։ Երիտասարդությունը ցույց տվեց, որ մենք ենք տերը մեր երկրի, երիտասարդությունը ցույց է տալիս, որ անհանդուրժելի ենք համարում սրա ու նրա վասալը լինելու վիճակը»:
Մանրամասները՝ տեսանյութում:
