28.07.2026 | 22:15
Firebird AI ընկերության՝ Հրազդան քաղաքում գտնվող «ԱԲ գործարանն» օրեր անց կգործարկվի. ԲՏԱ նախարար
Ռուսաստանցի գործիչ Լև Շլոսբերգը տուգանվել է 32․000 ռուբլով՝ ռուսական բանակը «վարկաբեկելու հոդվածով»
Քաղաքականություն
18.04.2022 | 21:43
Պսկովի քաղաքային դատարանը ռուսաստանցի քաղաքական գործիչ Լև Շլոսբերգին և նրա կնոջը՝ Ժաննային, տուգանել է համապատասխանաբար 32 և 30 հազար ռուբլով՝ ռուս զինվորականներին «վարկաբեկելու» հոդվածով։ DW-ի ռուսական ծառայության հաղորդմամբ՝ այս մասին հայտնել է ինքը՝ քաղաքական գործիչը։
Շլոսբերգի և նրա կնոջ նկատմամբ արձանագրությունները կազմվել են ապրիլի 14-ին։ Շլոսբերգին տուգանել են Առաջին ալիքի եթերից հինգ վայրկյանանոց տեսանյութով կիսվելու համար, որում հեռուստաալիքի աշխատակից Մարինա Օվսյաննիկովան հակապատերազմական պաստառով դուրս է եկել ուղիղ եթեր:
Քաղաքական գործչի կնոջ դեմ արձանագրություն է կազմվել՝ «Ոչ պատերազմին» պաստառով լուսանկար հրապարակելու համար։
Շլոսբերգը հայտարարել է, որ ինքը և իր կինը կբողոքարկեն դատարանի որոշումները, հենց որ դրանք ստանան։
Տաթև Ֆռանգյան
