20.08.2026 | 23:01
«Նոան» նոր գլխավոր մարզիչ ունի
Եվս մեկ երկիր փակել է նավահանգիստները ՌԴ նավերի համար
Քաղաքականություն
17.04.2022 | 21:47
Էստոնիայի կառավարությունն արգելել է ապրիլի 17-ից ռուսական նավերին մտնել իրենց նավահանգիստներ։ Այս մասին հայտնում է ERR-ը։
Էկոնոմիկայի և հաղորդակցության նախարարությունը հայտնել է, որ այն նավերի համար, որոնք փետրվարի 24-ից հետո ռուսական դրոշը փոխել են մեկ այլ դրոշի, Եվրամիության նավահանգիստներն այժմ նույնպես փակ են:
«Կրեմլը ցույց չի տալիս իր ագրեսիան դադարեցնելու ոչ մի նշան, այդ պատճառով Եվրոպան աստիճանաբար ռազմավարական միջոցներ է փնտրում պատերազմի արժեքն այնքան բարձր դարձնելու համար, որպեսզի վերանա Ուկրաինայի վրա ռազմական հարձակման շարունակման հեռանկարը։ Բացի երկրներից, բոլոր ձեռնարկությունները, որոնց գործունեությունն այսպես թե այնպես կապված է Ռուսաստանի հետ, պետք է վերաիմաստավորեն իրենց գործունեությունը, որպեսզի հաղթահարեն նոր տնտեսական տարածքը»,- ասել է էկոնոմիկայի և հաղորդակցության նախարար Տաավի Աասը:
Սակայն բացառիկ դեպքերում էստոնական նավահանգիստներ կարող են մտնել ռուսական նավեր, որոնք աղետի են ենթարկվում։ Ընդ որում, նրանք պետք է թույլտվություն ստանան Էստոնիայի ոստիկանության և սահմանապահ պահպանության դեպարտամենտից, որը նախապես կորոշի օգնության տրամադրման անհրաժեշտությունը:
