09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայի ամենահարուստ մարդը խոստացել է օգնել վերականգնել Մարիուպոլը
Քաղաքականություն
16.04.2022 | 20:00
Ուկրաինայի ամենահարուստ մարդը խոստացել է օգնել վերականգնել պաշարված Մարիուպոլ քաղաքը, որտեղ նա պողպատի արտադրության երկու հսկայական գործարան ունի։
«Մարիուպոլը գլոբալ ողբերգություն է և հերոսության գլոբալ օրինակ։ Ինձ համար Մարիուպոլը եղել և միշտ կլինի ուկրաինական քաղաք»,- ասել է Ռենատ Ախմետովը Reuters գործակալության հարցերին ի պատասխան։
«Մենք կվերականգնենք ամբողջ Ուկրաինան»,- ասել է նա ՝ հավելելով, որ երկիր է վերադարձել փետրվարի 23-ին։
«Իմ նպատակն է վերադառնալ ուկրաինական Մարիուպոլ և իրականացնել մեր (նոր արտադրական) ծրագրերը, որպեսզի Մարիուպոլում արտադրված պողպատը կարողանա մրցակցել համաշխարհային շուկաներում, ինչպես նախկինում»:
Forbes ամսագրի տվյալներով՝ Ախմետովի կարողությունը 2013 թվականին հասել է 15,4 մլրդ դոլարի: Ներկայումս այն կազմում է 3,9 մլրդ դոլար։
«Մեզ անպայման անհրաժեշտ կլինի վերականգնման աննախադեպ միջազգային ծրագիր, Մարշալի պլան Ուկրաինայի համար»,- ասել է նա ՝ նկատի ունենալով ԱՄՆ-ի օգնության նախագիծը, որն օգնել է Երկրորդ համաշխարհային պատերազմից հետո վերականգնել Արևմտյան Եվրոպան:
