13.12.2024 | 15:55
Դատախազը Սրբուհի Գալյանի փոխարեն տեղակալ է փնտրում․ հայտարարել է մրցույթ
Քաղաքական դաշտում կրկին թափ է առել «առնետավազքը». դաշնակցականները ՀՀԿ-ին լքեցին ու հայդե՛ փողոց. «Իրատես»
27.04.2018 | 10:27
«Իրատես» թերթը գրում է.
«Այս օրերին քաղաքական դաշտում կրկին թափ է առել «առնետավազքը». հանրության շրջանում այդ ուժերը սկսել են ավելի վատ ընկալվել, քան հանրապետականները: Եվ կրկին անփոխարինելի են դաշնակցականները, որոնք, ինչպես ժամանակին «պետության փողերը վերցրին ու հայդե Փարիզ», այնպես էլ հիմա, իրենց «սիրասուն» ՀՀԿ-ին լքեցին ու հայդե՛ փողոց: Դուրս եկան կոալիցիայից և նույնիսկ այնքան համարձակություն չունեցան, որ բացահայտ հայտարարեն, թե կանգնում են Նիկոլ Փաշինյանի կողքին, որովհետև մտավախություն ունեն, թե նորից կարող է իրավիճակ փոխվել, և իրենք ճողոպրելու տեղ չունենան:
Սակայն այս ամենում մի շատ ուշագրավ բան կա. փաստորեն, ՀՅԴ-ն իր աջակցությունն է հայտնում այն շարժմանը, որը նպատակ ունի ՀՀԿ-ին ամբողջությամբ հեռացնելու իշխանությունից: Աջակցելով այս գործընթացին, ՀՅԴ-ն հիշո՞ւմ է իր անցյալը, երբ առաջին նախագահ Լևոն Տեր-Պետրոսյանը կասեցրեց դաշնակցության գործունեությունը»:
Առավել մանրամասն՝ թերթի այսօրվա համարում:
