06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Գերմանիայի իշխող կուսակցությունը կոչ է անում Ուկրաինային զենքի լայնածավալ մատակարարումներ իրականացնել
Քաղաքականություն
15.04.2022 | 21:54
Գերմանիայի իշխող Սոցիալ-դեմոկրատական կուսակցությունից Բունդեսթագի արտաքին քաղաքականության հարցերի հանձնաժողովի նախագահ Միխայել Ռոթը հանդես է եկել Ուկրաինային զենքի լայնածավալ մատակարարումների օգտին, գրում է ՏԱՍՍ-ը։
«Ուկրաինացիները կարող են պաշտպանվել միայն զենքով, և դրանում մենք պետք է արագ և համակողմանի աջակցենք նրանց»,- ասել է նա Frankfurter Rundschau թերթին տված հարցազրույցում։
Ռոթը նաև մտահոգություն է հայտնել, որ Ուկրաինայում ռուսական բանակի հաջողության դեպքում կարող են նոր ուժով բռնկվել Մոլդովայի, Վրաստանի և Արևմտյան Բալկանների զինված հակամարտությունները։
Ավելի վաղ էլ Գերմանիայի ԱԳ նախարար Աննալենա Բերբոքն էր հայտարարել, որ Կիևին անհրաժեշտ է ծանր զինտեխնիկա, և հիմա այդ հարցում արդարացումների ժամանակը չէ։
Էմմա Չոբանյան
