20.08.2026 | 23:01
«Նոան» նոր գլխավոր մարզիչ ունի
Մարադոնայի մահվան մեջ մեղադրել են բժիշկներին
Քաղաքականություն
15.04.2022 | 22:49
Դիեգո Մարադոնան մահացել է ոչ թե իր մահով, այլ բժիշկների անփութության պատճառով, վստահ է Արգենտինայի դատախազությունը։ France24-ի փոխանցմամբ՝ լեգենդար ֆուտբոլիստի բժիշկներին սպանության մեղադրանք է առաջադրվել։
Դատախազներն արդեն դիմում են ներկայացրել դատարան, որտեղ նրանք պնդում են, որ բուժաշխատողներն անփույթ են եղել և Մարադոնային «անօգնական վիճակում թողել են բախտի քմահաճույքին» տնային հոսպիտալացման ժամանակ՝ գլխուղեղի ենթադուրալ հեմատոմայի հեռացման վիրահատությունից հետո:
Իրավապահները բուժանձնակազմի գործողությունները գնահատել են որպես ոչ համարժեք և անխոհեմ։ Եթե մեղադրյալները, որոնց թվում են բուժքույրը, հոգեբանը, հոգեբույժը և նյարդավիրաբույժը, մեղավոր ճանաչվեն, նրանց սպառնում է մինչև 25 տարվա ազատազրկում։
Հիշեցնենք, որ լեգենդար ֆուտբոլիստը մահացել է 2020 թվականի նոյեմբերի 25-ին 60 տարեկանում։ Մարադոնայի մահվան պատճառը սրտի անբավարարությունից առաջացած սուր թոքային այտուցն էր։ Ոստիկանությունն անմիջապես կասկածել է բուժանձնակազմին անփութության մեջ և հետաքննություն սկսել։
Տաթև Ֆռանգյան
