09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայի ընդդիմության առաջնորդը հաղթել է իր դեմ Էրդողանի ներկայացրած դատական գործը
Քաղաքականություն
14.04.2022 | 21:50
Թուրքիայի Գերագույն դատարանը չեղյալ է համարել վճիռը, ըստ որի՝ երկրի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն որպես փոխհատուցում հարյուր հազարավոր լիրա պետք է վճարեր նախագահ Ռեջեփ Թայիփ Էրդողանին՝ այն պնդումների համար, որ վեջինս հարյուր միլիոնավոր դոլարների հաշիվներ է ունեցել Մեն կղզում, գրում է Duvar-ը։
«Մենք շահել ենք նաև Մեն կղզու գործը։ Այս անգամ Գերագույն դատարանը դաս է տվել Էրդողանին։ Կուսակցության նախագահ Քեմալ Քըլըչդարօղլուն իրավացի էր նաև Մեն կղզու հարցում, և մենք հաղթեցինք։ Գերագույն դատարանը չեղյալ է համարել, այսպես կոչված, դատավորների (երեք գործերով) կայացրած վճիռները, որոնք հանցագործություն են կատարել: Մենք կշարունակենք հաղթել և դասեր տալ»,- թվիթերյան իր էջում գրել է Քըլըչդարօղլուի փաստաբան Ջելալ Չելիկը։
Նշենք, որ Քըլըչդարօղլուն 2017 թվականին խորհրդարանական խմբակցության հետ հանդիպմանն ասել էր, թե Էրդողանն ու իր հարազատները 18 միլիոն դոլարի փոխանցումներ են կատարել օֆշորային ընկերությանը, որը տեղակայված է Մեն կղզում։
Էմմա Չոբանյան
