18.08.2026 | 14:48
Բաշար Ասադի զարմիկին Սիրիայում մահապատժի են դատապարտել՝ սպանությունների և խոշտանգումների համար
ԱՄՆ-ը և Ֆրանսիան քննարկել են Լեռնային Ղարաբաղի հակամարտությունը
Քաղաքականություն
14.04.2022 | 12:56
ԱՄՆ-ի և Ֆրանսիայի դիվանագետները քննարկել են Լեռնային Ղաաբաղի հակամարտությունը։ ԱՄՆ Պետքարտուղարության հաղորդմամբ՝ նախօրեին պետքարտուղարի տեղակալ Վենդի Շերմանը հեռախոսազրույց է ունեցել Ֆրանսիայի ԱԳՆ գլխավոր քարտուղար Ֆրանսուա Դելարի հետ, որի ընթացքում, այլ թեմաներից զատ, քննարկել են նաև Լեռնային Ղարաբաղի հակամարտությունը։
Նշվում է, որ կողմերը քննարկել են Ուկրաինայի ինքնիշխանությանն ու տարածքային ամբողջականությանն աջակցությունը շարունակելու անհրաժեշտությունը՝ անվտանգության ոլորտում աջակցության և Պուտինի ռեժիմի նկատմամբ լրացուցիչ պատժամիջոցներ սահմանելու միջոցով՝ «Ուկրաինայի դեմ նրա չհրահրված և անհիմն պատերազմի համար»։
Կողմերը դատապարտել են մարդու իրավունքների խախտումները, որոնք իրականացվել են ռուսական ուժերի կողմից Բուչայում և այլուր Ուկրաինայում՝ ընդգծելով, որ նման վայրագությունները պետք է դադարեցվեն, և որ ռազմական հանցագործությունների մեղավորները պետք է պատասխանատվության ենթարկվեն:
«Նրանք քննարկել են քաղաքական կայունությունն ու անվտանգությունը Սահելում և Լեռնային Ղարաբաղի հակամարտությունը»,- ասվում է Պետքարտուղարության հողորդագրության մեջ։
Հավելենք, որ օրերս էլ Վենդի Շերմանը Վաշինգտոնում հանդիպել էր Մեծ Բրիտանիայի Եվրոպայի և Հյուսիսային Ամերիկայի հարցերով պետնախարար Ջեյմս Քլևերլիին։ Նրանք քննարկել էին երկկողմ համագործակցությունը՝ աջակցելու Հարավային Կովկասում խաղաղության և հաշտեցման ջանքերին։
Էմմա Չոբանյան
