06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Միրզոյանը՝ գերիների նոր խմբի վերադարձնելու մասին․ Շվեդիան կդիմի ՆԱՏՕ-ին անդամակցելու համար․ Լուրեր
Տեսանյութեր
13.04.2022 | 19:13
«Կա պատկերացում, որ հայ պատանդների հերթական խումբը պետք է ազատ արձակվի», – այս խոսքերով ՀՀ ԱԳ նախարար Արարատ Միրզոյանը խորհրդարանում հայտարարել է, որ բանակցում են այս հարցի շուրջ։ Նա նշել է, որ թեման քննարկվել է ՀՀ վարչապետի, Ադրբեջանի նախագահի և Շառլ Միշելի՝ բրյուսելյան հանդիպման ընթացքում։
–
ԱՄՆ պաշտպանության փոխնախարար Քեթլին Հիքսը հայտարարել է, որ ԱՄՆ-ը պատրաստ է դիտարկել Ուկրաինային միջին հեռահարության այնպիսի սպառազինություն մատակարարելու հնարավորությունը, որը կարող է հարվածներ հասցնել Ռուսաստանի օդանավակայաններին։
–
Գերմանիայում կոալիցիոն կառավարությունը համաձայնության է եկել Ուկրաինային ծանր սպառազինությունների մատակարարման հարցում։ Այս մասին հայտնել է կոալիցիայի պատգամավորներից մեկը։ Մինչ այս գերմանական խոշորագույն ռազմարդյունաբերական ընկերությունները պատրաստակամություն էին հայտնել Ուկրաինային վաճառել տանկեր ու այլ զրահատեխնիկա։
–
Շվեդական մամուլը հայտնել է, որ Շվեդիայի իշխող Սոցիալ-դեմոկրատական կուսակցության ղեկավարությունը որոշում է կայացրել ՆԱՏՕ-ին երկրի անդամակցության հարցում։ Վարչապետ Մագդալենա Անդերսոնը մտադիր է այս տարվա հունիսին հայտ ներկայացնել։
