16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կա պատկերացում, որ հայ պատանդների հերթական խումբը պետք է ազատ արձակվի․ Միրզոյան․ ՏԵՍԱՆՅՈՒԹ
Հասարակություն
13.04.2022 | 17:13
Գերիների հարցը քննարկվել է ապրիլի 6-ին կայացած ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի Կառավարության հետ հարցուպատասխանի ժամանակ նման կարծիք հայտնեց ՀՀ ԱԳ նախարար Արարատ Միրզոյանը։
Նրա խոսքով` գերիների ազատ արձակման խնդիրն ԱԳՆ-ի առաջնային ուշադրության հարցն է։ Նախարարը վստահեցրեց` չկա որևէ լուրջ հանդիպում կամ քննարկում, որտեղ այս հարցը չի քննարկվել։
Միրզոյանը նշեց նաև, որ ադրբեջանական կողմը գերիների վերադարձի խնդիրը տարբեր հարցերի հետ է կապում` ականապատ տարածքների քարտեզների վերադարձի, ղարաբաղյան առաջին պատերազմում անհայտ կորածների հետ։ ԱԳ նախարարը հավելեց, որ գերիների վերադարձն ուղղակի Ադրբեջանի պարտականությունն է, որը «թղթի վրա գրված է»։
«Ինչպես ակնկալելի էր` թեման քննարկվել է Փաշինյանի, Շառլ Միշելի և Ալիևի հանդիպման ժամանակ։ Կա պատկերացում, որ հայ պատանդների հերթական խումբը պետք է ազատ արձակվի։ Մենք հիմա շարունակում ենք դրա շուրջ բանակցել»,- ընդգծեց Միրզոյանը։
Ինչ վերաբերում է այս հարցում միջնորդներին, ապա Միրզոյանը նշեց, որ ՀՀ-ին աջակցում են Ռուսաստանը, Ֆրանսիան, ԱՄՆ-ն։
Հիշեցնենք, ԱԺ արտաքին հարաբերությունների մշտական հանձնաժողովի մարտի 21-ի նիստում ՀՀ արտաքին գործերի նախարար Արարատ Միրզոյանը հայտարարել է, որ ադրբեջանական գերության մեջ է 38, այդ թվում՝ 3 քաղաքացիական անձ:
Մանրամասները՝ տեսանյութում:
