16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կարեն Կարապետյանի թեկնածությունը կառաջադրվի ՀՀԿ նոր նախագահի պաշտոնում
Քաղաքականություն
26.04.2018 | 16:28
Երեկ Հայաստանի երրորդ նախագահ, ՀՀԿ կուսակցության ղեկավար Սերժ Սարգսյանը հանդիպել է ԱԺ ՀՀԿ խմբակցության անդամներին: Հանդիպումից որոշ մանրամասներ ճշտելու համար Factor.am-ը զրուցեց ԱԺ փոխնախագահ, ՀՀԿ խոսնակ Էդուարդ Շարմազանովի հետ:
«Խմբակցությունն առաջարկել է կուսակցական ղեկավար մարմիններում քննարկել ՀՀԿ նախագահի փոփոխության հարցը: Դա եղել է Սերժ Սարգսյանի առաջարկով: Դեռ կուսակցական մարմինը չի գումարել նոր նիստ՝ այդ հարցը քննարկելու համար: Իսկ Հանրապետականի անունից Կարեն Կարապետյանն ունի մանդատ՝ բանակցելու և երկխոսելու»,- մեզ փոխանցեց ՀՀԿ խոսնակը:
Շարմազանովը, սակայն, չհստակեցրեց՝ արդյոք հենց Կարեն Կարապետյանն է լինելու ՀՀԿ հաջորդ նախագահը: Իսկ ահա երեկվա հանդիպմանը մասնակցած ՀՀԿ-ական մեկ այլ բարձրաաստիճան պաշտոնյա Factor.am-ի հետ զրույցում փոխանցեց, որ Սերժ Սարգսյանի և ՀՀԿ խմբակցության անդամների հանդիպմանը որոշվել է կուսակցության ղեկավարի պաշտոնի համար առաջարկել հենց Կարեն Կարապետյանի թեկնածությունը: Մեր աղբյուրի փոխանցմամբ՝ տրամաբանական է, որ ՀՀԿ նախագահի առաջին տեղակալն էլ ստանձնի կուսակցության նախագահի պաշտոնը:
