16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
ԱՄՆ-ը պատրաստ է դիտարկել Ուկրաինային սպառազինություն մատակարարելու հնարավորությունը՝ ռուսական օդանավակայաններին հարվածելու համար
Քաղաքականություն
13.04.2022 | 15:50
ԱՄՆ-ը պատրաստ է դիտարկել Ուկրաինային միջին հեռահարության սպառազինություն մատակարարելու հնարավորությունը, որը կարող է հարվածներ հասցնել Ռուսաստանի օդանավակայաններին։ Այս մասին հայտարարվել է ԱՄՆ պաշտպանության փոխնախարար Քեթլին Հիքսը մի խումբ ռազմական դիտորդների հետ հանդիպման ժամանակ, հայտնում է VOA-ն։
«Այո՛, մենք կշարունակենք դիտարկել զենքի տեսակները, որոնք պահանջում են ուկրաինացիները՝ մի փոքր ավելի շատ հեռահարություն տալու առումով»,- ասել է Հիքսը ի պատասխան հարցին՝ արդյո՞ք Վաշինգտոնը պատրաստ է դիտարկել Կիևին այնպիսի զենքի փոխանցումը, որը հնարավորություն կընձեռի Ուկրաինային ՌԴ տարածքում ռազմական օդանավակայաններ խոցել։
Նա, սակայն, հորդորել է զերծ մնալ ժամանակից առաջ ընկնելուց և չի հայտնել սպառազինության տեսակների մասին։
«Քանի դեռ չի հայտարարվել այդ փաթեթների մասին, չէի ցանկանա մեր նախագահի որոշումներից առաջ ընկնել։ Այնուամենայնիվ, մենք այդ փաթեթները շատ արագ ենք առաջ տանում, և կարծում եմ՝ հետագա օրերին ավելի շատ բան կտեսնեք»,- ասել է Հիքսը։
Այդ կապակցությամբ փոխնախարարին հարցրել են՝ արդյո՞ք նրա հայտարարությունները նշանակում են, որ ԱՄՆ-ը պատրաստ է դիտարկել Ուկրաինային ավելի մեծ հեռահարության զենք մատակարարելու հնարավորությունը, քան մինչ այժմ փոխանցվել է։
«Պատասխանն է՝ այո»,- շեշտել է Հիքսը:
Տաթև Ֆռանգյան
