12.01.2025 | 14:16
Առաջիկա օրերին օդի ջերմաստիճանն էապես չի փոխվի
Հրաժարում կոնֆորմիզմից՝ հանուն իրավունքի․ պատժամիջոցներին պետք է միանալ, որը ՀՀ-ն չի անում․ Սաքունց․ ՏԵՍԱՆՅՈՒԹ
Քաղաքականություն
13.04.2022 | 12:40
«Երկրորդ համաշխարհային պատերազմից հետո մարդկությունը դաս քաղեց, որ ռեժիմը, որը խախտում է իր քաղաքացիների իրավունքը, այսինքն՝ վտանգավոր է իր քաղաքացիների համար, չի կարող վտանգ չլինել նաև մյուս երկրների քաղաքացիների համար»,- այս մասին նշեց ՀՔԱՎ գրասենյակի ղեկավար, իրավապաշտպան Արթուր Սաքունցը՝ Գլոբալիզացիայի և տարածաշրջանային համագործակցության վերլուծական կենտրոնի կազմակերպած «Ուկրաինայի պատերազմի հետևանքները Արևելյան գործընկերության երկրների վրա» միջազգային համաժողովի ժամանակ:
«Եվ ժամանակի ընթացքում լուրջ ներդրումների, լուրջ զարգացումների ու վերագնահատումների շնորհիվ եվրոպական ժողովրդավարությունը կարողացավ ցույց տալ օրինակը: Բայց կոմֆորմիզմը, ցավոք սրտի, դարձավ ուղենիշ, և այս առումով ես բոլորովին համաձայն չեմ այն մոտեցման հետ, որ պատժամիջոցներին Հայաստանի Հանրապետությունը չպետք է միանա: Տոտալիտար ռեժիմի դեմ պատժամիջոցներին պետք է միանալ, ինչը չի անում ՀՀ իշխանությունը:
Ես համաձայն չեմ այն մտքի հետ, որ Հայաստանը, Վրաստանը կամ Մոլդովան այն ռեսուրսները չունեն, որ պատժամիջոցներին միանան, կամ պատժամիջոցներից ավելի շատ իրենք են տուժելու: Պատժամիջոցներից տուժում են նաև հենց արևմտյան երկրների քաղաքացիները: Շատ կարևոր եզրակացություն՝ հրաժարում կոնֆորմիզմից՝ հանուն իրավունքի պաշտպանության. այս իդեան, թեկուզ ուշ, բայց դրսևորվում է, և այս սկզբունքի իրականացման համար իհարկե անհրաժեշտ է քաղաքական խիզախություն»,- նշեց Սաքունցը:
Մանրամասները՝ տեսանյութում:
