Ես դեմ չեմ. ընդդիմադիրները թող փաստեր հրապարակեն բանակցությունների պատմությունից. Փաշինյան․ ՏԵՍԱՆՅՈՒԹ

Լուրեր

19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
Բոլորը

ՀՀ վարչապետ Նիկոլ Փաշինյանը վստահեցնում է, որ ԼՂ հիմնախնդրի կարգավորման բանակցային գործընթացի վերաբերյալ ինքը ամեն ինչի մասին խոսել է, գաղտնիք չկա, դեմ չէ նաև, որ ընդդիմադիրները հրապարակեն որոշ փաստեր, փաստաթղթեր: Փաշինյանն  այս մասին ասաց ԱԺ-ում՝ անդրադառնալով ՔՊ խմբակցության պատգամավոր Սոնա Ղազարյանի հարցին, թե ինչքանո՞վ է հնարավոր գաղտնազերծել բանակցային գործընթացը:

Ըստ պատգամավորի՝ ժողովուրդն արժանի է տարիներ շարունակ թաքցված իրողությունների մասին իմանալ սկզբնաղբյուրից, հարկ է հրապարակել նաև որոշ նամակագրություններ:

Փաշինյանը պատասխանեց, որ, ըստ էության, գաղտնիք չի էլ մնացել, որովհետև ամեն ինչի մասին խոսել են: «Մնացել է ասածները համադրել, մի երկու անճշտություն կա, փաստաթղթերով ճշտել, թե ո՞ր հանգամանքն է ճիշտ»,-ասաց Փաշինյանը:

Անդրադառնալով նամակագրություններ, խոսակցություններ հրապարակելու մասին պատգամավորի առաջարկին՝ նա ասաց, որ այդ առումով հարուստ նյութ առանձնապես չկա էլ: «Այնպես չէ, որ ամեն ինչ արձանագրվել է: Այդ 30 տարվա բանակցային գործընթացը մի թղթապանակի մեջ տեղավորվում է: Բայց կան, իհարկե, շատ կարևոր խոսակցությունների արձանագրություններ: Բայց խնդիրն այն է, որ մենք դա որպես իշխանություն չենք կարող անել»,-ասաց Փաշինյանը՝ ճիշտ չհամարելով տարբեր երկրների պաշտոնյաների հետ խոսակցություններ հրապարակելը:

Նա ընդգծեց, որ իրենց ընդդիմախոսները ժամանակին խոստանում էին փաստեր, փաստաթղթեր հրապարակել: «Իրենք կառավարության «արգելակներով» կաշկանդված չեն, թող իրենք հրապարակեն: Ես բացարձակապես դեմ չեմ, որ իրենք հրապարակեն, թե ինչի մասին է խոսքը: Ես համոզված եմ՝ այն, ինչ իրենք հրապարակեն, ճշգրիտ կապացուցի այն, ինչ մենք այս ընթացքում անընդհատ ասել ենք»,-ասաց վարչապետը:

Պատգամավորը Ղազարյանը խոսեց «Մեղրիի փոխանակման» տարբերակի մասին:

Փաշինյանը նկատեց՝ անգամ համացանցում կարելի է գտնել այդ փաստաթուղթը: Ըստ նրա՝ 2007-ին է դա հրապարակվել, եղել է այդպիսի տարբերակ, մնացած փաստաթղթերն էլ են հրապարակվել:

«Իրականում խնդիրը ոչ թե բանակցային բովանդակության մեջ է, որովհետև ամբողջը հրապարակված է, այլ բանակցային բովանդակության տողատակերը և ներքին կապերը համադրելու և հասկանալու մեջ է: Իրականում ոչ մի գաղտնիք արդեն չկա, ամեն ինչի մասին, խոսել ենք, ես գոնե ամեն ինչի մասին խոսել եմ: Խնդիրը համադրություններ անելու պատճառահետևանքային կապերն արձանագրելու մեջ է»,- նշեց վարչապետը:

Մանրամասները՝ տեսանյութում: