09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայում 4,5 մլն բնակիչ զրկվել է գազից և էլեկտրաէներգիայից չվճարելու պատճառով
Քաղաքականություն
12.04.2022 | 22:35
Թուրքիայի Էներգետիկայի և բնական պաշարների նախարարության նոր տվյալների համաձայն՝ 2021 թվականին երկրում շուրջ 4,5 միլիոն բնակչի էլեկտրաէներգիայի և բնական գազի մատակարարումները դադարեցվել են այն բանից հետո, երբ նրանք չեն կարողացել կոմունալ վճարումները կատարել երկրում էներգակիրների գների աճի ֆոնին, գրում են թուրքական լրատվամիջոցները։
Նշվում է, որ անցյալ տարի էլեկտրաէներգիայի 3,4 միլիոն սպառողի և բնական գազի մոտ 1,09 միլիոն սպառողի էլեկտրաէներգիայի և բնական գազի մատակարարումը դադարեցվել է չվճարելու պատճառով:
Թուրքիայում, ի դեպ, հունվարից բարձրացվել են էլեկտրաէներգիայի և բնական գազի սակագները։ Սպառողներն էլ պայքարում են գնողունակության անկման դեմ՝ մոլեգնող գնաճի պատճառով, որը մարտին հասել է 61,1 տոկոսի՝ վերջին երկու տասնամյակի ամենաբարձր մակարդակին։
Նախարարության տվյալներով՝ 2021 թվականին ամսական միջինը 378,000 սպառողի բնական գազ և էլեկտրաէներգիա է անջատվել։
Էմմա Չոբանյան
