15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ՌԴ դեսպանատունը Փաշինյանի հետ հանդիպման կոչ է արել ստեղծված իրադրությունը կարգավորել բացառապես սահմանադրական դաշտում
Քաղաքականություն
26.04.2018 | 13:10
ՀՀ-ում ՌԴ դեսպանատանն ապրիլի 25-ին հանդիպում է տեղի ունեցել ԱԺ ընդդիմադիր խմբակցության պատգամավորներ Նիկոլ Փաշինյանի ու Արարատ Միրզոյանի, ինչպես նաև «Քաղաքացիական պայմանագիր» կուսակցության մամուլի քարտուղար Տիգրան Ավինյանի հետ. տեղեկացնում է ՀՀ-ում ՌԴ դեսպանությունը:
Զրույցի ընթացքում հանդիպման մասնակիցներն անդրադարձել են Երևանում և Հայաստանի Հանրապետությունում տիրող իրավիճակին:
Ռուսական կողմը կոչ է արել ընդդիմադիր հավաքների ու երթերի կազմակերպիչներին գործող իշխանությունների ու մյուս քաղաքական ուժերի հետ գնալ կառուցողական երկխոսության, ինչպես նաև ընդգծել, որ ստեղծված իրադրությունը պետք է կարգավորվի բացառապես սահմանադրական դաշտում ու ի շահ Հայաստանի Հանրապետության բոլոր քաղաքացիների: Հույս է հայտնվել, որ երկիրը շուտափույթ կերպով կվերադառնա նորմալ ու հանգիստ հունին:
