Հասարակություն
26.04.2018 | 12:14Ազգային ժողովի «Ելք» խմբակցության ղեկավար, «Իմ քայլը» շարժման առաջնորդ Նիկոլ Փաշինյանը կոչ է անում առժամանակ դադարեցնել փողոցների փակումը և զբաղվել առանց պետհամարանիշերի ավտոմեքենաներով։
«Երևանում և հանրապետությունում չպետք է լինի առանց պետհամարանիշի ոչ մի ավտոմեքենա։ Չի կարելի թույլ տալ, որ ինչ-որ մարդիկ առիթից օգտվեն և այս ամենը վերածեն ինչ-որ անվերահսկելի գործառույթի»,- նշեց Փաշինյանը:
Փաշինյանն ասաց՝ երեկ երեկոյան մտահոգիչ տեղեկություններ է ստացել, որ քաղաքում մեքենաներ կան, որոնք առանց համարների անկանոն վարում են. «Կոչ եմ անում միայն Երևանում դադարեցնել փողոցների փակումը։ Կան մարդիկ, որ այս իրավիճակից օգտվում են, ճռիկներ-վռիկներ են անում՝ մեզ վարկաբեկելու համար»։
Մանրամասները՝ տեսանյութում:
