26.11.2024 | 20:29
Գերմանիան իրավունք չունի Taurus-ներ մատակարարել. Շոլց
«Սա ընկերական այց չէ»․ Ավստրիայի կանցլերը՝ Պուտինի հետ փակ բանակցությունների մասին
Քաղաքականություն
11.04.2022 | 21:53
Ռուսաստանի նախագահ Վլադիմիր Պուտինը բանակցություններ է վարել Ավստրիայի կանցլեր Կարլ Նեհամերի հետ, որը մեկնել է Մոսկվա՝ դառնալով առաջին եվրոպացի առաջնորդը, որն անձամբ հանդիպել է Պուտինին Ուկրաինա ռուսական ներխուժման սկզբից ի վեր, գրում է BBC-ն։
Նեհամերն ասել է, որ Պուտինի հետ իր զրույցը «շատ ուղիղ, բաց և կոշտ» է եղել, հավելելով, որ բարձրացրել է Բուչայում և այլուր ռազմական լուրջ հանցագործությունների հարցն ու ընդգծել, որ բոլոր մեղավորները պետք է պատասխանատվության ենթարկվեն։
Նա Պուտինին ասել է, որ Ռուսաստանի դեմ պատժամիջոցները կմնան ուժի մեջ և կխստացվեն այնքան ժամանակ, քանի դեռ մարդիկ մահանում են Ուկրաինայում։
«Ամենակարևոր իմ ուղերձը Պուտինին այն է, որ այս պատերազմը պետք է վերջապես ավարտվի, քանի որ պատերազմում երկու կողմից միայն պարտվողներ կան»,- ասել է ավստրիացի պաշտոնյան՝ նշելով, որ պատրաստվում է իր եվրոպացի գործընկերներին տեղեկացնել անցկացված բանակցությունների մասին և խորհուրդ տալ նրանց հետագա քայլերի վերաբերյալ։
Ավստրիական լրատվամիջոցների տեղեկացմամբ էլ՝ Պուտինի և Նեհամերի հանդիպումն անցել է առանց ձեռքսեղմումների և համատեղ լուսանկարների։
«Սա ընկերական այց չէ, ես նոր եմ ժամանել Ուկրաինայից և իմ աչքերով տեսել եմ այն անչափելի տառապանքը, որը պատճառել է ռուսական ագրեսիվ պատերազմը», – հայտարարել է Ավստրիայի կանցլերը։
Էմմա Չոբանյան
