15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Գերմանական Rheinmetall կոնցեռնը պատրաստ է Ուկրաինային տանկեր մատակարարել
Քաղաքականություն
11.04.2022 | 22:39
Գերմանական Rheinmetall պաշտպանական կոնցեռնը պատրաստ է Ուկրաինային օգտագործված Leopard 1 տանկերի խմբաքանակ մատակարարել, գրում է DW-ի ռուսական ծառայությունը։
«Առաջին Leopard 1-երը կարող են մատակարարվել 6 շաբաթվա ընթացքում»,- հայտնել է կոնցեռնի խորհրդի նախագահ Արմին Պապպերգերը Handelsblatt պարբերականին տված հարցազրույցում։
Ուկրաինա նման մատակարարումների իրականացման համար պահանջվում է Գերմանիայի կառավարության համաձայնությունը։
Նա նշել է, որ կոնցեռնը կարող է Ուկրաինայի զինված ուժերին մինչև 50 Leopard 1 տանկ մատկարարել բանակի հին պաշարներից։ Ներկայում այդ տեխնիկայի գնահատում է իրականացվում։
Պապպերգերի խոսքով՝ Ուկրաինային տանկերի մատակարարումը կարող է իրականացվել Rheinmetall Italia-ի իտալական դուստր ձեռնարկության խողովակներով, երեք ամսվա ընթացքում։ Գերմանական կոնցեռնի ղեկավարը նշել է, որ ուկրաինացի զինվորներին ընդամենը մի քանի օր հարկ կլինի՝ Leopard 1 տանկերի կիրառումը սովորելու համար։
Ուկրաինայի ներկայացուցիչները վերջին շրջանում ավելի հաճախ են դժգոհություն հայտնում այն առիթով, որ Գերմանիան Կիևին շատ քիչ զենք է մատակարարում։ Ուկրաինային ռազմական օգնությունն ակտիվացնելու կոչեր են հնչում նաև Գերմանիայի կառավարությունում։ Մասնավորապես, ապրիլի 11-ի Գերմանիայի արտաքին գործերի նախարար Աննալենա Բերբոքը հայտարարել է, որ Ուկրաինային առաջին հերթին անհրաժեշտ է ծանր սպառազինություն։
Էմմա Չոբանյան
