23.04.2026 | 17:42
Վճռաբեկ դատարանը բեկանել է Փաշինյանի և ընտանիքի հասցեին բռնության կոչեր հնչեցնելու գործով ուսուցչի արդարացման դատական ակտը
Պուտինը շնորհավորել է ՀՀ նախագահին և վարչապետին
Քաղաքականություն
03.04.2022 | 11:59
ՌԴ նախագահ Վլադիմիր Պուտինը շնորհավորել է ՀՀ նախագահ Վահագն Խաչատուրյանին, ինչպես նաև ՀՀ վարչապետ Նիկոլ Փաշինյանին ՌԴ-ի հետ դիվանագիտական հարաբերությունների հաստատման 30-ամյակի կապակցությամբ և նշել, որ երկու պետությունների միջև բոլոր ուղղություններով համագործակցության զգալի փորձ է կուտակվել:
«Ռուսաստանի և Հայաստանի միջև պահպանվում է բովանդակալից քաղաքական երկխոսություն, զարգանում է արդյունավետ համագործակցություն առևտրային, տնտեսական, գիտական, տեխնիկական, հումանիտար և շատ այլ ոլորտներում:
Մոսկվան և Երևանը համակարգում են ջանքերը ՀԱՊԿ-ի, ԵվրԱզԷՍ-ի, ԱՊՀ-ի և այլ միջազգային կառույցների շրջանակներում: 2020 և 2021 թվականներին ձեռք բերված եռակողմ պայմանավորվածությունների հետևողական կատարումը նպաստում է Անդրկովկասյան տարածաշրջանում անվտանգության և կայունության ամրապնդմանը»,- ՏԱՍՍ-ի փոխանցմամբ՝ ասված է ուղերձում:
Բացի այդ, Պուտինը վստահություն է հայտնել, որ ռուս-հայկական բարեկամական, դաշնակցային կապերի հետագա ամրապնդումը բխում է երկու երկրների ժողովուրդների արմատական շահերից: ՀՀ նախագահին և վարչապետին Պուտինը մաղթել է քաջառողջություն և հաջողություններ, իսկ երկրի քաղաքացիներին՝ խաղաղություն և բարեկեցություն:
Հայաստանը և Ռուսաստանը ուղիղ 30 տարի առաջ՝ 1992թ. ապրիլի 3-ին, ստորագրել են Դիվանագիտական հարաբերությունների հաստատման մասին հուշագիր։
