21.08.2026 | 10:46
Պապիկյանը ստուգայցերով բանակային դիրքերում է․ ՏԵՍԱՆՅՈՒԹ
Էրդողանը Պուտինի հետ զրուցում պատրաստակամություն է հայտնել Թուրքիայում կազմակերպել ՌԴ-ի ու Ուկրաինայի նախագահների հանդիպումը
Քաղաքականություն
01.04.2022 | 21:47
Թուրքիայի նախագահ Ռեջեփ Թայիփ Էրդողանը այսօր հեռախոսազրույց է ունեցել ռուս գործընկերոջ Վլադիմիր Պուտինի հետ։ Այս մասին հաղորդում է Թուրքիայի նախագահականը,գրում է Անադոլու գործակալությունը։ Նշվում է,որ նախագահները քննարկել են Ստամբուլում վերջերս կայացած ռուս-ուկրաինական բանակցությունների արդյունքները։
Էրդողանը Պուտինի ուշադրությունն է հրավիրել Ստամբուլում ռուս-ուկրաինական բանակցությունների դրական տրամադրվածության ու կառուցողականության վրա, ինչը «մեծացրել է խաղաղության հույսերը»։
Նա նաեւ հայտարարել է թուրքական կողմի պատրաստակամության մասին կազմակերպել Ռուսաստանի ու Ուկրաինայի նախագահների հանդիպումը։
Այսօր ավելի վաղ Պուտինի ու Զելենսկիի հանդիպման կազմակերպման մասին Էրդողանը կրկին հայտարարությամբ էր հանդես եկել։
Էմմա Չոբանյան
