28.03.2026 | 17:27
Արարատ Միրզոյանը հեռախոսազրույց է ունեցել Իրանի ԱԳ նախարարի հետ
Պատերազմի պատճառով Ուկրաինայի համաշխարհային ժառանգությունը վտանգի տակ է․ ՅՈՒՆԵՍԿՕ
Քաղաքականություն
01.04.2022 | 22:15
ՅՈՒՆԵՍԿՕ-ի տվյալներով՝ Ուկրաինայում ռուսական ներխուժման ժամանակ արդեն վնասվել են տասնյակ եկեղեցիներ, պատմական հուշարձաններ և թանգարաններ։ Հիմա հատկապես մտահոգիչ է այն, ինչ կատարվում է Չեռնիգովում, գրում է BBC-ի ռուսական ծառայությունը։
ՄԱԿ-ի մշակույթային գործակալությունը կազմել է պատերազմի ավելի քան մեկ ամսվա ընթացքում վնասված մշակութային հուշարձանների նախնական ցուցակը։
Այս պահին ավերվել կամ վնասվել է 29 աղոթատեղի, պատմական նշանակության 16 շինություն, 4 թանգարան և 4 հուշարձան։
«Մենք շատ մտահոգված ենք մշակութային և պատմական ժառանգության հետ կապված իրավիճակով: Ուկրաինայում մարդկության ժառանգությունը վտանգի տակ է»,- ասել է ՅՈՒՆԵՍԿՕ-ի ներկայացուցիչ Էռնեստո Օտտոնեն:
Ուկրաինայի տարածքում կան յոթ Համաշխարհային ժառանգության օբյեկտներ, մասնավորապես՝ Լվովում և Կիևում, Օդեսա և Խարկով քաղաքները ներառված են Ստեղծարար քաղաքների ցանցում, իսկ Ուկրաինայի որոշ ազգային արխիվներ ներառված են ՅՈՒՆԵՍԿՕ-ի Համաշխարհային հիշողության ռեգիստրում:
Տաթև Ֆռանգյան
