09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՔՊ-ն ԱԺ արտահերթ նիստ է հրավիրում. առաջարկում են վաղաժամ դադարեցնել նիստեր չգումարած համայնքների ավագանու լիազորությունները
Քաղաքականություն
31.03.2022 | 22:24
Հայաստանի Ազգային ժողովը վաղն արտահերթ նիստ կգումարի: Այս մասին Factor.am-ը տեղեկանում է խորհրդարանի կայքից: Նախաձեռնությունն իշխող «Քաղաքացիական պայմանագիր» խմբակցությանն է:
Առաջարկվում է նույն օրը երկու ընթերցմամբ փոփոխություն կատարել «Տեղական ինքնակառավարման մասին» օրենքում: ՔՊ-ականներն առաջարկում են վաղաժամ դադարեցնել օրենքով միավորված համայնքի ավագանու լիազորությունները, եթե ավագանու առաջին նիստը չի գումարվում լիազորությունները ստանձնելուց քսան օրվա ընթացքում:
Լիազորությունների դադարեցումից հետո ՀՀ վարչապետը նշանակում է համայնքապետի պաշտոնակատար մինչև նոր ընտրություններով ավագանու նոր կազմի ձևավորումը: Օրենքում փոփոխություններն, ըստ ՔՊ-ականների, անհրաժեշտ է նրանով, որ 2021 թվականի հոկտեմբեր-դեկտեմբեր ամիսներին 45 համայնքում անցկացվել են ընտրություններ և որոշ համայնքերի նորընտիր ավագանու կազմեր նիստ չեն գումարել: Նախագծում նշվում է, որ սա բացասական է անդրադառնում համայնքի զարգացման վրա:
Նարեկ Կիրակոսյան
