04.03.2026 | 14:55
Կուսակցության կողմից պատրաստված հոլովակներում օգտագործվել են համացանցից վերցված քաղաքացիների լուսանկարներ․ Cyberhub
Ռուսական զորքերը ոչ թե դուրս են գալիս, այլ վերադիրքավորվում են․ Ստոլտենբերգ
Քաղաքականություն
31.03.2022 | 18:44
ՆԱՏՕ-ի գլխավոր քարտուղար Յենս Ստոլտենբերգը սպասում է, որ Ռուսաստանից հարձակողական նոր գործողություններ կլինեն, որոնք «ավելի շատ տառապանքներ կբերեն»։ Այս մասին հաղորդում է CNN-ը։
Ստոլտենբերգն ասել է, որ հետախուզական տվյալների համաձայն՝ ռուսական ստորաբաժանումները ոչ թե նահանջում են, այլ վերադիրքավորվում։ «Ռուսաստանը փորձում է վերախմբավորվել, համալրել և ուժեղացնել իր հարձակումը Դոնբասի տարածաշրջանում։ Միաժամանակ, Ռուսաստանը շարունակում է ճնշումը Կիևի և այլ քաղաքների վրա։ Մենք լսել ենք վերջին հայտարարություններն այն մասին, որ Ռուսաստանը նվազեցնում է ռազմական գործողությունները Կիևի շուրջ և Ուկրաինայի հյուսիսում։ Սակայն Ռուսաստանը պարբերաբար ստում է իր մտադրությունների մասին, ուստի՝ մենք կարող ենք Ռուսաստանի մասին դատել միայն իր գործողություններով, այլ ոչ թե խոսքերով»,-ասել է Ստոլտենբերգը։
ՆԱՏՕ-ի գլխավոր քարտուղարը կոչ է արել Մոսկվային «վերջացնել այս անիմաստ պատերազմը, դուրս բերել իր բոլոր զորքերը և բարեխիղճ բանակցություններ վարել»։
Էմմա Չոբանյան
