09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինը Փաշինյանի և Ալիևի հետ քննարկել է Լեռնային Ղարաբաղում զարգացումները
Քաղաքականություն
31.03.2022 | 17:49
ՌԴ նախագահ Վլադիմիր Պուտինը հեռախոսազրույցներ է ունեցել ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ Լեռնային Ղարաբաղում տիրող իրավիճակի շուրջ։ Այս մասին գրում է ՌԻԱ Նովոստին՝ վկայակոչելով Կրեմլի մամուլի ծառայությանը։
«Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ։ Քննարկվել է Լեռնային Ղարաբաղի շուրջ իրավիճակի զարգացումը՝ շեշտը դնելով տարածաշրջանում անվտանգության և կայունության ապահովման գործնական խնդիրների լուծման վրա։ Վերահաստատվել է 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ հայտարարությունների բոլոր դրույթների հետևողական իրականացման կարևորությունը»,- ասվում է հայտարարության մեջ։
Հավելենք, որ Ադրբեջանի զորքերը ներխուժել են Արցախի Հանրապետության ռուս խաղաղապահների պատասխանատվության գոտի՝ խախտելով հենց նոյեմբերի 9-ի եռակողմ հայտարարությունը, և ելման դիրքեր դեռ չեն վերադարձել։
Էմմա Չոբանյան
