Եվրոպացիները հրաժարվում են գազի դիմաց վճարել ռուբլով, սակայն Պուտինը ստորագրել է հրամանագիրը

Ռուսաստանի նախագահ Վլադիմիր Պուտինը հայտարարել է, որ հրամանագիր է ստորագրել «ոչ բարեկամ երկրների» հետ ռուսական գազի դիմաց ռուբլով վճարելու նոր կարգի մասին, գրում է ՌԻԱ Նովոստին։

«Մենք նման (անբարյացակամ) երկրների կապալառուներին առաջարկում ենք հստակ և թափանցիկ սխեմա, ռուսական բնական գազ գնելու համար նրանք պետք է ռուբլով հաշիվներ բացեն ռուսական բանկերում։ Հենց այդ հաշիվներից է, որ մատակարարվող գազը վաղվանից՝ այս տարվա ապրիլի 1-ից կվճարվի»,- ասել է ՌԴ ղեկավարը՝ ելույթ ունենալով ավիացիոն ոլորտին նվիրված հանդիպման ժամանակ։

Եվրոպան հրաժարվում է գազի դիմաց վճարել ռուբլով։ Գերմանիայի կանցլեր Օլաֆ Շոլցը Բեռլինում հայտարարել է, որ ռուսական գազի գնման պայմանագրերը նախատեսում են վճարումներ եվրոյով կամ դոլարով, և այդպես էլ պետք է մնա։

«Մենք նայել են գազի մատակարարման պայմանագրերը, այնտեղ գրված է, որ վճարումներն իրականացվում են մեծամասմաբ եվրոյով, երբեմնъ դոլարով։ ՌԴ նախագահի հետ զրույցի ժամանակ ես նրան ակնարկեցի, որ այդպես էլ կմնա։ Ձեռնարկությունների համար կարևոր է, և նրանք ցանկանում են, կարող են և կվճարեն եվրոյով»,- հայտարարել է Շոլցը։

«Մենք ռուբլով չենք վճարելու: Այս հարցում մենք միասնական ենք ԵՄ մյուս բոլոր երկրների հետ»,- PULS 4 հեռուստաալիքին տված հարցազրույցում իր հերթին ասել է Ավստրիայի պաշտպանության նախարար Կլաուդիա Տենները:

Եվրահանձնաժողովը պնդում է, որ այս պրակտիկան անընդունելի է։ Գերմանիայի էկոնոմիկայի նախարար Ռոբերտ Հաբեկն էլ ավելի վաղ հայտարարել է, որ G7-ի երկրները չեն համաձայնի դրան։

Տաթև Ֆռանգյան