06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Հայաստանի ֆուտբոլի հավաքականը վարկանիշով 92-րդն է աշխարհում
31.03.2022 | 16:21
Ֆուտբոլի միջազգային ֆեդերացիան հրապարակել է ազգային հավաքականների դասակարգման նոր աղյուսակը: Հայաստանի ազգային թիմը նոր հաշվարկով ունի 1245 վարկանիշային միավոր և շարունակում է զբաղեցնել 92-րդ տեղը: Մեր ընտրանու վերջին մրցակիցներից Նորվեգիան (0:9) բարձրացել է 41-րդ, իսկ Չեռնոգորիան (1:0)՝ 70-րդ հորիզոնական:
Վարկանիշային աղյուսակն այժմ գլխավորում է Բրազիլիայի հավաքականը, որը վաստակելով 1832 միավոր, առաջ է անցել նախկին լիդեր Բելգիայից: Առաջին տասնյակից դուրս է մնացել Դանիայի ընտրանին, որն իր տեղը զիջել է Մեքսիկային:
Հետաքրքրության համար նշենք, առաջին 32 հավաքականներից 9-ը չեն նվաճել աշխարհի 2022թ առաջնության ուղեգիր: Իտալիան, Կոլումբիան, Շվեդիան, Չիլին, Նիգերիան և Եգիպտոսն ընդհանրապես դուրս են մնացել ընտրական փուլից, իսկ Ուելսը, Ուկրաինան և Կոստա Ռիկան դեռ պետք է անցումային խաղեր անցկացնեն:
Աշխարհի առաջնության 29 ուղեգիր ձեռք բերած հավաքականներից ամենացածր վարկանիշ ունի Գանայի ընտրանին, որը զբաղեցնում է 60-րդ տեղը:
