02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Ռուս-ադրբեջանական պայմանավորվածությու՞ն, թե՞ բախում․ ինչ է կատարվում Արցախում․ ՔՆՆԱՐԿՈՒՄ․ ՏԵՍԱՆՅՈՒԹ
Քաղաքականություն
30.03.2022 | 20:17
Factor TV-ի «Ուշադրության կենտրոնում» հաղորդաշարի թեման ադրբեջանական զորքերի՝ Արցախի դիրքերը գրավելուց հետո ստեղծված իրավիճակն է։ Թեման քննարկել ենք Հայ կառուցողական կուսակցության ղեկավար Անդրիաս Ղուկասյանի և Ցանցային հետազոտությունների ինստիտուտի տնօրեն, քաղաքագետ Գագիկ Հարությունյանի հետ։
Ըստ Անդրիաս Ղուկասյանի՝ ստեղծված իրավիճակը պետք է դիտարկել աշխարհաքաղաքական գործընթացների համատեքստում։ Նա նկատեց՝ Ուկրաինան գրավելու Ռուսաստանի «պլանը» տապալվել է, և դրա արդյունքում Ադրբեջանն իր համար վտանգներ է տեսնում։
«Տեսանք՝ սկզբից փորձ արեց սրել իրավիճակը, նախ՝ դիվանագիտական առաջարկ արեց Հայաստանին՝ կնքել խաղաղության պայմանագիր։ Հետո Հայաստանի կողմից այդ առաջարկը չեղարկելուց հետո, երբ դիմեց ԵԱՀԿ Մինսկի խմբին՝ բանակցությունները վերսկսելու խնդրանքով, վերսկսվեցին բոլոր այդ գործողություններն Արցախում՝ սկզբից գազատարն անջատվեց, հետո ներխուժում տեղի ունեցավ Փառուխ և Խրամորթ, և հիմա Քարագլուխ բարձունքը գտնվում է իրենց վերահկողության տակ»,- մատնանշեց նա։
Անդրիաս Ղուկասյանի խոսքով՝ Ադրբեջանը տեսնում է, որ Ռուսաստանը չի կարող ուժ գործադրել Արցախում․ «Այս իրավիճակում դա Ռուսաստանի համար նշանակում է բացել երկրորդ ճակատ և խզել հարաբերությունները Թուրքիայի ու Ադրբեջանի հետ»։
Գագիկ Հարությունյանի համոզմամբ էլ՝ ռուս խաղաղապահներն են Արցախի և Արցախի ժողովրդի անվտանգության երաշխավորը։ Նա նույնպես նկատեց՝ Արցախում կատարվողը աշխարհում տեղի ունեցողի արդյունք է։
«Այսօր գնում է հիբրիդային համաշխարհային պատերազմ ամբողջ մոլորակի վրա։ Արցախն այն կետերից մեկն է, որը երբեմն-երբեմն օգտագործվում է ինչ-որ նպատակներով։ Հիմնական ռազմավարությունն է՝ ստեղծել, այսպես կոչված, ղեկավարվող քաոսի իրավիճակ»,- նշեց նա։
Մանրամասները՝ տեսանյութում։
Հռիփսիմե Հովհաննիսյան
