09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ադրբեջանի ՊՆ-ն արձագանքել է ՌԴ ՊՆ-ի՝ Փառուխից զորքերը դուրս բերելու վերաբերյալ հայտարարությանը
27.03.2022 | 22:45
Ադրբեջանի պաշտպանության նախարարությունը, արձագանքելով ՌԴ պաշտպանական գերատեսչության հայտարարությանը, հաղորդագրություն է տարածել, որում մասնավորապես ասված է․
«Ադրբեջանական բանակի դիրքերը Փառուխ գյուղում և հարակից լեռնային շրջաններում փոփոխություններ չեն կրել»:
Ադրբեջանական բանակի զորամասերի դուրսբերման մասին տեղեկատվությունն այդ դիրքերից չի համապատասխանում իրականությանը, նշել են Ադրբեջանի ՊՆ-ում:
Բաքուն նաև հերքում է ՌԴ պաշտպանության նախարարության տեղեկատվությունն այն մասին, որ հրադադարի ռեժիմը խախտվել է ադրբեջանական կողմից և չի հաստատում զինծառայողների շրջանում վիրավորների առկայությունը։
Ավելի վաղ Արցախի իշխանություններին մոտ կանգնած շրջանակից Factor.am-ին փոխանցել էին, որ ռուս խաղաղապահ առաքելությունից Ստեփանակերտին դեռ չեն փոխանցել, որ ադրբեջանական կողմը գյուղից դուրս է եկել։
Հիշեցնենք, որ Ռուսաստանի պաշտպանության նախարարությունը պաշտոնական տեղեկություն էր տարածել, թե ադրբեջանական զինուժը դուրս է եկել Փառուխ գյուղից։ Պաշտոնական Ստեփանակերտն այս տեղեկությունները չի հաստատել։
