29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ադրբեջանի ԱԳՆ-ը պատասխանել է Ղարաբաղի հարցով Պետդեպի ներկայացուցչի հայտարարությանը
Քաղաքականություն
26.03.2022 | 17:33
Ադրբեջանի արտաքին գործերի նախարարությունը պատասխանել է Պետդեպարտամենտի մամուլի քարտուղարի տեղակալ Ջալինա Պորտերի՝ Ղարաբաղում իրավիճակի վերաբերյալ հայտարարությանը։
Ադրբեջանի արտաքին քաղաքական գերատեսչությունը պնդում է, որ Ադրբեջանը գործողություններ է ձեռնարկում «իր ինքնիշխան տարածքում»։
Ըստ Ադրբեջանի ԱԳՆ-ի՝ ԱՄՆ-ը, որպես ԵԱՀԿ Մինսկի խմբի համանախագահ, ոչ մի արդյունավետ քայլ չի ձեռնարկել «Ադրբեջանի դեմ Հայաստանի ռազմական ագրեսիայի դադարեցման համար, որը տևել է շուրջ 30 տարի»:
«Ներկայումս գոյություն չունի «Լեռնային Ղարաբաղ» հասկացություն, այլ կան Արևելյան Զանգեզուր և Ղարաբաղ տնտեսական շրջաններ, որոնք Ադրբեջանի բաղկացուցիչ մասն են»,- ТАСС-ի փոխանցմամբ՝ ասվում է հայտարարության մեջ:
Ավելի վաղ Պետդեպարտամենտի մամուլի ծառայության ղեկավարի տեղակալ Ջալինա Պորտերը հայտարարել էր, որ Վաշինգտոնը լրջորեն մտահոգված է Ղարաբաղում ադրբեջանական զորքերի տեղաշարժով՝ տեղի ունեցածը որակելով որպես անպատասխանատու և սադրիչ գործողություններ:
Հիշեցնենք՝ մարտի 25-ին Ադրբեջանի կողմի սադրանքի հետևանքով հայկական կողմից զոհվել է 3 զինծառայող, ևս 15-ը՝ վիրավորվել։ Այսօր` ժամը 11:00-ի սահմաններում, Ադրբեջանի ԶՈւ ստորաբաժանումները կրկին դիմել են ագրեսիվ գործողությունների` տարբեր տրամաչափի հրաձգային զինատեսակների կիրառմամբ փորձելով առաջխաղացում ապահովել Արցախի Հանրապետության արևելյան սահմանագոտու ուղղությամբ, ՌԴ խաղաղապահ զորակազմի պատասխանատվության տակ գտնվող տարածքում:
ԱՀ ՊԲ ստորաբաժանումները դիմել են համարժեք գործողությունների` հակառակորդի առաջխաղացումը կասեցնելու նպատակով:
