26.11.2024 | 20:46
Նախարարը՝ սկանդալի կենտրոնում. Factor TV-ի հրապարակման հետքերով փաստաբաններն ուսումնասիրություն են կատարել. ՏԵՍԱՆՅՈՒԹ
Կուլեբան հերքել է ռուս-ուկրաինական բանակցություններում կոնսեսուսի մասին Էրդողանի հայտարարությունը
Քաղաքականություն
25.03.2022 | 20:08
Ուկրաինան և Ռուսաստանը որևէ կոնսենսուսի չեն հասել պատերազմը դադարեցնելու համար։ Այս մասին ասել է Ուկրաինայի ԱԳ նախարար Դմիտրի Կուլեբան՝ հերքելով Թուրքիայի նախագահ Ռեջեփ Թայիփ Էրդողանի ավելի վաղ արած հայտարարությունը, գրում է Korrespondent-ը։
«Թուրքիայի նախագահի նշած չորս կետերի շուրջ Ռուսաստանի հետ կոնսենսուս չկա։ Մասնավորապես, Ուկրաինայում միակ պետական լեզուն ուկրաիներենն է և կլինի։ Եվ ընդհանրապես՝ բանակցությունների առանցքային թեմաների դասակարգումը չորս կամ մի քանի կետերի սխալ է»,- ասել է նա։
Կուլեբան հավելել է, որ Ուկրաինան առաջին հերթին պնդում է կրակի դադարեցման, անվտանգության երաշխիքների ու երկրի տարածքային ամբողջականության վրա։
«Հուսով ենք, որ Թուրքիան, որպես Ուկրաինայի բարեկամ և ռազմավարական գործընկեր, նույնպես կշարունակի աջակցել բոլոր ուղղություններով»,- ասել է ուկրաինացի պաշտոնյան։
Հիշեցնենք՝ Թուրքիայի նախագահ Էրդողանն այսօր ավելի վաղ հայտարարել էր, որ Ուկրաինան և Ռուսաստանը բանակցություններում կոնսենսուսի են հասել 6 կետերից 4-ի շուրջ։
Էմմա Չոբանյան
