23.06.2026 | 17:46
Թուրքիայում ավելի քան 200 մարդ է ձերբակալվել՝ Անկարայում նախանշված ՆԱՏՕ-ի գագաթնաժողովից առաջ
ՔՆՆԱՐԿՈՒՄ․ Ինչո՞ւ Ադրբեջանը ռազմական նոր սադրանքների գնաց․ կան զոհեր և վիրավորներ․ ՏԵՍԱՆՅՈՒԹ
Քաղաքականություն
25.03.2022 | 17:20
Արցախ մտնող գազատարը փակելուց, շաբաթներ շարունակ ականանետերով խաղաղ բնակավայրերի ուղղությամբ կրակ վարելուց հետո Ադրբեջանը ռազմական նոր սադրանքներ է սանձազերծել։ Ըստ Արցախի ՊԲ-ի՝ Փառուխ գյուղը վերցրել է վերահսկողության տակ։ Կան տեղեկություններ՝ փորձել են զբաղեցնել Քարագլուխ բարձունքը։
ՊԲ-ն նաև հաղորդում է՝ ԱԹՍ-ի, հրաձգային զենքերի կիրառմամն փոխհրաձգություն է տեղի ունեցել մարտի 25-ի գիշերը։ Ադրբեջանն ունի հինգ զոհ, հայկական կողմը՝ հինգ վիրավոր։
Ըստ ԼՂ ԱԽ նախկին քարտուղար Սամվել Բաբայանի՝ մեկ շաբաթ առաջ ռուսական կողմն է դիմել ՊԲ-ին՝ 2-3 դիրք հանելու խնդրանքով։ Սակայն ադրբեջանցիները եկել, զբաղեցրել են այդ դիրքերը։ ՀՀ ԱԳՆ-ն և Արցախի իշխանություններն ակնկալում են, որ ռուս խաղաղապահները կհեռացնեն ադրբեջանցիներին՝ մինչև մարտի 23-ի դիրքեր։
Ինչո՞ւ է Ադրբեջանը գնացել այսպիսի սադրանքների, ի՞նչ արդյունքի է ձգտում։ Factor TV-ի քննարկմանը մասնակցում են «Ազատ քաղաքացի» ՀԿ ղեկավար Հովսեփ Խուրշուդյանը, քաղաքագետ Էդգար Վարդանյանը, քաղաքական վերլուծաբան Ռուբեն Մեհրաբյանը, քաղաքական վերլուծաբան Արմեն Հովհաննիսյանը։
