14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ես այսօր վերջնականապես համոզվեցի, որ Հայաստանը մեծ ապագա ունի. Միխեիլ Սաակաշվիլիի տեսաուղերձը
Քաղաքականություն
23.04.2018 | 19:21
Վրաստանի նախկին նախագահ Միխեիլ Սաակաշվիլին տեսաուղերձով դիմել է հայ ժողովրդին.
«Ուզում եմ դիմել Հայաստանի իմ եղբայրներին ու քույրերին: Ուզում եմ շնորհավորել ձեզ: Այսօր դուք ունեք բոլոր հիմքերը՝ հպարտանալու ինքներդ ձեզնով, հպարտանալու, որ հայ եք՝ հպարտ ժողովուրդ, որը կարողացավ ցույց տալ ամբողջ աշխարհին, որ ինքն ունի արժանապատվություն, որ ցանկանում է ապրել նորմալ, մարդկային պայմաններում, կոռուպցիայից ազատ պայմաններում, պայմաններում, երբ որիշները չեն ձեզ թելադրում, թե ինչպես կառուցել ձեր կյանքը, պայմաններ, երբ մի խումբը վերցնում է իրեն ամեն բան ու ոչինչ չի թողնում ժողովրդին: Ես այսօր վերջնականապես համոզվեցի, որ Հայաստանը մեծ ապագա ունի: Ես ձեզ աջակցում եմ, մենք միշտ կլինենք ձեր կողքին: Շնորհակալություն ձեզ այն բանի համար, ինչ դուք արեցիք: Եվս մեկ անգամ շնորհավորում եմ», – ասել է Սաակաշվիլին:
