16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
ՆԱՏՕ-ն պետք է կենտրոնանա ոչ միայն ՌԴ-ի դեմ պատժամիջոցների, այլև Ուկրաինայում հրադադարի վրա․ Չավուշօղլու
Քաղաքականություն
23.03.2022 | 21:34
ՆԱՏՕ-ի ղեկավարները պետք է կենտրոնանան Ուկրաինայում հրադադարի ապահովման վրա , այլ ոչ թե միայն Ռուսաստանի դեմ պատժամիջոցների և զսպման։ Այս մասին հայտարարել է Թուրքիայի ԱԳ նախարար Մևլութ Չավուշօղլուն, գրում է Ահվալ գործակալությունը։
«Յուրաքանչյուրի առաջնային նպատակը պետք է լինի հրադադարը, պատերազմը դադարեցնելը։ Յուրաքանչյուրը պետք է գործի պատասխանատու ու կառուցողական»,-ասել է Չավուշօղլուն թուրք լրագրողներին Պակիստանում Իսլամական համագործակցության կազմակերպության համաժողովի շրջանակներում։
«Իհարկե, մենք կարիք ունենք ՆԱՏՕ-ի շրջանակներում միասնության և համերաշխություն ու զսպվածություն պիտի ցուցաբերենք: Բայց ո՞վ է վճարում շարունակվող պատերազմի գինը»,-ասել է Չավուշօղլուն։
Նա նշել է, որ Թուրքիան շարունակում էր իր ջանքերը՝ որպես «միջնորդ և օժանդակող»՝ դադարեցնելու մարտերը և կապի մեջ էր երկու կողմերի բանակցողների հետ։
Հավելենք, որ վաղը տեղի է ունենալու ՆԱՏՕ-ի անդամ երկրների ղեկավարների գագաթնաժողովը, որին մասնակցելու է նաև Թուրքիայի նախագահ Ռեջեփ Թայիփ Էրդողանը։
Էմմա Չոբանյան
