16.01.2025 | 15:03
Փաշինյանը Դավոս կմեկնի, Փարաքարում մարտի 31-ին արտահերթ ընտրություններ կանցկացվեն․ ԼՈՒՐԵՐ
Բայդենը զգուշացրել է ՌԴ-ի կողմից Ուկրաինայում քիմիական զենքի կիրառման իրական սպառնալիքի մասին
Քաղաքականություն
23.03.2022 | 19:24
ԱՄՆ նախագահ Ջո Բայդենը զգուշացրել է, որ ՌԴ-ի կողմից Ուկրաինայի վրա շարունակվող հարձակումների ֆոնին քիմիական զենք կիրառելու սպառնալիքը «իրական է»։ Այս մասին նա ասել է Եվրոպա մեկնելուց առաջ, գրում է CNN-ը։
Լրատվամիջոցի թղթակից Ջերեմի Դայմոնդի հարցին, թե Ուկրաինայում քիմիական զենքի կիրառման սպառնալիքի կա՝ Բայդենը պատասխանել է. «Կարծում եմ՝ դա իրական է»։ ԱՄՆ նախագահն այս հարցի շուրջ այլ մեկնաբանություններ չի արել։
Բայդենին հարցրել են նաև, թե ինչ ուղերձ ունի եվրոպացի գործընկերներին ուղղված, որին նա այսպես է արձագանքել․ «Ես պատրաստվում եմ նրանց հետ զրուցել դեմ առ դեմ, ես պատրաստվում եմ ասել ամենը, ինչ պետք է ասեմ և կասեմ, երբ հասնեմ այնտեղ: Բայց ես ուրախ կլինեմ վերադարձիս խոսել ձեզ հետ»։
Էմմա Չոբանյան
