18.08.2026 | 13:59
Դոնալդ Թրամփի վարկանիշը հասել է 33%-ի՝ նվազագույնը պաշտոնավարման երկու ժամկետի ընթացքում
Հրապարակային նշե՞նք՝ որ հատվածներում են մեր դիրքերը․ Պապիկյանը վրդովվեց․ ՏԵՍԱՆՅՈւԹ
Քաղաքականություն
23.03.2022 | 19:10
«Քաղաքական մեծամասնությունը դեմ քվեարկեց մի նախագծի, որով նախատեսվում էր քրեական հետապնդում այն մարդկանց նկատմամբ, ովքեր կասկածի տակ կդնեին ՀՀ տարածքային ամբողջականությունը։
Նման մի դրվագ տեղի է ունեցել վերջերս Կապանի Ներքին Հանդում, երբ թշնամին հերթական անգամ ներխուժել է ՀՀ սուվերեն տարածք, և ընդամենը բնակիչներն են արոտավայր գնալիս նկատել, որ ադրբեջանցիները վրաններ են տեղադրել այդ տարածքում։ Ինչո՞ւ է հնարավոր եղել ադրբեջանցիների առաջխաղացումը։ Այն դեպքում, երբ ադրբեջանցիները նախորդ տարի դուրս էին եկել և հիմա են նոր վերադառնում, ինչո՞ւ այդ ընթացքում հայկական կողմն այդ դիրքերը չի զբաղեցրել և երրորդ, ինչո՞ւ է ՀՀ քաղաքացին ինքը գնում և տեսնում, որ ադրբեջանցիներն են այնտեղ տեղակայված»,- ԱԺ-կառավարություն հարց ու պատասխանի ժամանակ այս մասին նշեց «Հայաստան» խմբակցության պատգամավոր Աննա Գրիգորյանը:
Պաշտպանության նախարար Սուրեն Պապիկյանն ի պատասխան ասաց, որ շատ կարևոր է, որպեսզի բարձրաձայնված հարցերի մեջ սուտն ու մանիպուլյացիան քիչ լինեն։
«Այն, ինչ դուք ասում եք, իրականության հետ ոչ մի աղերս չունի։ Խոսքը վերաբերում է նրան, որ՝ թե գիտեք, պատահական գյուղացին գնաց ու հայտնաբերեց, որ հակառակորդը հայտնվել է իքս դիրքում։ Իսկ ո՞վ է ասել, որ դրա մասին Պաշտպանության նախարարությունը տեղյակ չէր կամ չենք տիրապետում մենք մեր սահմաններին կամ զբաղեցրած դիրքերին։ Հրապարակային պետք է ամեն ինչ խոսե՞նք, դա ձեր գործելաոճն է հրապարակայնացնել այն, ինչը կարիք չկա հրապարակայնացնելու։ Դա 5-րդ շարասյան գործն է՝ համոզել համայնքապետին խոսել նրա մասին, որ համայնքը զրկվել է ջրից, այնինչ, համայնքը ջուր է ստանում։ Սրանք ապացուցված փաստեր են։ Այո, ճիշտ էր ասում 5-րդ շարասյան հին թե նոր առաջնորդը, չգիտեմ ինչպես անվանել այդ նախկին պաշտոնյային, թե իբր չի տարբերում Ներքին Հանդը Հին Հանդից։ Սա սովորական մանիպուլյացիա է, մինչև երբ դա պետք է դառնա հանրային քննարկման առարկա, որպեսզի ՊՆ-ն ստիպված լինի խոսել այն մասին, որ իքս ժամանակաշրջանում, երբ ՀՀ զորքերը զբաղեցրել ենք իքս տեղերում դիրքեր, հակառակորդն էլ զբաղեցրել է այս դիրքերը։
Ի՞նչ, հրապարակային նշե՞նք, թե որ հատվածներում են գտնվում մեր դիրքերը։ Լավ, վերջապես մենք պե՞տք է ունենանք հանրային գիտակցություն, որ ամեն ինչ չէ, որ կարելի է օգտագործել քաղաքական նպատակներով։
Ես ամաչում եմ նրա համար, որ մենք օրեր շարունակ քննարկում ենք բաներ, որ պիտի համատեղ ուժերով փորձենք բացառել և ոչ թե փնտրել առիթներ՝ ոնց անենք, որ ցեխին հավասարեցնենք սեփական բանակը, սեփական զինվորի սխրանքը»,- նշեց պաշտպանության նախարարը՝ կոչ անելով վերջ տալ այդ գործելաոճին։
Մանրամասները՝ տեսանյութում:
