10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
Արկադի Համբարձումյանը՝ «Սլավ Գրուպի» կողմից ադրբեջանական մակնշմամբ մանկական կեր ներկրելու մասին
Հասարակություն
22.06.2017 | 12:28
ԱԺ ՀՀԿ խմբակցության գործարար պատգամավոր Արկադի Համբարձումյանը, որի ընտանիքին է պատկանում «Դերժավա» և «Սլավ գրուպ» ընկերությունները, խորհրդարանում՝ լրագրողների հետ զրույցում հերքեց, որ իրենց բիզնեսներում ստուգումներ են սկսվել։
Հիշեցնենք, որ մամուլի հրապարակումների համաձայն՝ «Սլա գրուպի» կողմից ներկրվող «Նուտրիլոն» մանկական կերերի վրա բացակայում է հայերեն մակնշումը, ընդ որում՝ կան նաև ադրբեջաներեն տառերով մակնշումներ։
Factor.am-ի հարցն այս մասին վրդովվեցրեց պատգամավորին․ «Բան ու գործ չունեք էլի: Ոչ, արդեն ասել եմ, ըտենց բան չկա»։ Իսկ թե ինչու չկա հայերեն մակնշում, Համբարձումյանն ասաց, թե լրագրողը սուտ է խոսում։
Ի դեպ, գործարար պատգամավորն ասաց, որ իր բիզնեսը ներկայացրել է «հավատարմագրման»։
Առավել մանրամասն՝ տեսանյութում։
