17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ-ը հայտնել է, որ Ռուսաստանի հարձակման թափը նվազել է 90%-ով
Քաղաքականություն
23.03.2022 | 16:06
Ռուսական բանակը Ուկրաինայում կրել է անձնակազմի և տեխնիկայի զգալի կորուստներ։ ՌԴ զորքերի հարձակման թափը նվազել է 90%-ով՝ համեմատած Ուկրաինայի դեմ լայնածավալ հարձակում սկսելու առաջին օրերի հետ, գրում է The Guardian-ը։
Նշվում է, որ չնայած դրան Ռուսաստանը դեռ ռեսուրսներ ունի։ Համաձայն ԱՄՆ-ի գնահատականների՝ Կրեմլը մինչ ռազմական գործողությունները Ուկրաինայի շուրջ հավաքել էր ավելի քան 150,000-անոց զորակազմ: ԱՄՆ պաշտպանության նախարարության պաշտոնյայի գնահատմամբ՝ ռուսական բանակի բարոյական ոգին շատ ցածր է, հրամանատարության ու վերահսկողության հետ կապված խնդիրներ կան։
«Նրանք դեռ գտնվում են Կիևից մոտ 30 կմ հեռավորության վրա, որտեղ էին նաև նախորդ շաբաթ։ Մենք շարունակում ենք արձանագրել, որ ռուսները տարբեր մակարդակներում ու տարբեր տեղերում բարոյահոգեբանական խնդիրներ ունեն…»,- ասել է պաշտոնյան։
