10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
ԱՄՆ սենատորներն աշխատում են Ռուսաստանի 132 մլրդ դոլարի ոսկու պաշարները սառեցնելու օրինագծի շուրջ
Քաղաքականություն
23.03.2022 | 14:12
ԱՄՆ հանրապետական և դեմոկրատ սենատորներից բաղկացած խումբն աշխատում է ֆինանսների նախարարության հետ՝ փորձելով արգելափակել Ռուսաստանի մոտ 132 միլիարդ դոլարի ոսկու պաշարները Ուկրաինա ներխուժումից հետո, գրում է Axios-ը։
Իրավիճակին ծանոթ աղբյուրը լրատվամիջոցին հայտնել է, որ ֆինանսների նախարար Ջանեթ Յելլենը հանդիպելու է այս շաբաթ սենատորներ Անգուս Քինգի, Ջոն Քորինի, Բիլ Հագերթի ու Մեգգի Հասանի հետ ՝ քննարկելու նախագիծը։
«Քարտուղար Յելլենը պարբերաբար հանդիպում է Կոնգրեսի անդամների հետ քննարկելու նախագծերը»,-ասել է լրատվամիջոցին ֆինանսների նախարարության խոսնակը։
Նշվում է նաև, որ նախագահ Ջո Բայդենը Կոնգրեսից անկախ ևս իրավունք ունի նման պատժամիջոցներ սահմանելու։
Էմմա Չոբանյան
