18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Ադրբեջանն ամեն ինչ անում է, որ Արցախում ինքնապաշտպանական ուժեր չմնան․ քաղաքագետ․ ՏԵՍԱՆՅՈՒԹ
Քաղաքականություն
23.03.2022 | 13:33
«Ադրբեջանն ամեն ինչ անում է, որ Արցախում ինքնապաշտպանական ուժեր չմնան»,-այսօր կայացած «Հայաստան-Ադրբեջան խաղաղության օրակարգ. ո՞ւմ օգտին է աշխատում ժամանակը» թեմայով քննարկման ժամանակ այս կարծիքը հայտնեց քաղաքագետ Արմեն Վարդանյանը:
«2020 թվականի նոյեմբերի 9-ի հայտարարության մեջ, իրենք «հոգ» էին տարել, որ Հայաստանը Արցախի տարածքից հանի իր զորքերը և հասել էին իրենց ուզածին՝ Նիկոլ Փաշինյանը համաձայնվել էր այդ պայմանին: Այս տարի, Հայաստանից գնացած վերջին զորակոչիկը, փաստացի, կզորացրվի, որովհետև վերջին անգամ 2020 թվականի օգոստոսին է զորակոչ եղել և Հայաստանից զորակոչիկ տարվել Արցախ: Բայց Արցախում, նաև Հայաստանում, անկախ ամեն ինչից հայտարարել են, որ իրենք ունենալու են ինքնապաշտպանական ուժեր, Արցախի ՊԲ-ն չի լուծարվելու, նաև ներքին զորքերից որոշակի ուժեր, զուգահեռաբար սահմանում են պահպանություն իրականացնելու: Եվ կարծես թե, սա Ադրբեջանին սա այդքան էլ դուր չի գալիս և փորձում են հասնել նրան, որ այս ուժերն էլ լուծարվեն, մնան միայն ռուս խաղաղապահները, այն էլ՝ երեք տարով, որից հետո, կարող են հարձակվել Արցախի վրա:
Բնականաբար, այս պահանջը չի կատարվելու. ո՛չ Հայաստանը, ո՛չ էլ Արցախը չեն գնալու այս պահանջի կատարմանը, չնայած նրան, որ Ալիևն այս ուղղությամբ շարունակելու է ճնշումներ գործադրել»,- նշեց Վարդանյանը:
Մանրամասները՝ տեսանյութում:
