15.01.2025 | 22:49
Կստեղծվի ոստիկանության բարեփոխումները համակարգող նոր խորհուրդ․ վարչապետը համակարգող խորհրդի նախագահն է
Կիևի բնակելի թաղամասերը հրթիռակոծվել են «Գրադից»
Քաղաքականություն
23.03.2022 | 14:39
Կիևի Նիվկի շրջանի բնակելի թաղամասերը հրթիռակոծվել են «Գրադ» համակարգից, կան տուժածներ։ Այս մասին իր տելեգրամյան ալիքում հայտնել է Ուկրաինայից պատգամավոր Ալեքսեյ Գոնչարենկոն, փոխանցում է Unian-ը։
«Օկուպանտները «Գրադից» հարվածել են Կիևին։ Կան տուժածներ»,- գրել է նա։ Հրթիռային հարձակման թիրախ են դարձել բազմահարկ շենքեր, առանձնատներ, առևտրի կենտրոն։ Փորկարարները մեկուսացրել են պայթյուններից հետո առաջացած հրդեհները, տուժածներ չեն հայտնաբերվել։
Բացի այդ, առավոտյան հրթիռակոծվել է Շևչենկովսկի շրջանը։ Չորս մարդ վիրավորվել է,զոհերի մասին տեղեկությունները ճշտվում են։ Դեպքի վայրում աշխատում են փրկարարներն ու շտապօգնության աշխատակիցները։
Ավելի վաղ Կիևի տարածաշրջանային ռազմական վարչակազմի ղեկավար, գեներալ-լեյտենանտ Ալեքսանդր Պավլյուկը հայտարարել էր, որ Կիևի մարզում Ուկրաինայի Զինված ուժերի խնդիրն է կանխել ռուսական զորքերի՝ Իրպեն գետն անցնելու փորձերը։
