26.11.2024 | 19:13
Ստեփանծմինդա-Լարս ավտոճանապարհը փակ է
ԱՄՆ-ն ու դաշնակիցները քննարկելու են G20-ից Ռուսաստանի հեռացման հարցը
Քաղաքականություն
23.03.2022 | 12:24
ԱՄՆ-ն և դաշնակից երկրները քննարկում են G20-ից Ռուսաստանի հեռացման հնարավորությունը, հայտնում է Reuters-ը՝ հղում անելով իր աղբյուրներին։ Գործակալության աղբյուրները նշում են, որ Լեհաստանն է առաջարկել բացառել Ռուսաստանին G20-ից, իսկ ԱՄՆ-ն աջակցել է այդ առաջարկին։ Սակայն, ըստ վերլուծաբանների, Ռուսաստանին հեռացման հեռանկարները կասկածելի են. այս հարցի շուրջ քվեարկության ժամանակ Չինաստանը, Հնդկաստանը կամ Սաուդյան Արաբիան, ամենայն հավանականությամբ, կօգտագործեն իրենց վետոյի իրավունքը։
Հիշեցնենք՝ G20-ը աշխարհի խոշորագույն տնտեսություններ ունեցող երկրների խումբն է, որի նպատակն է համակարգել գործողությունները համաշխարհային տնտեսության վրա ազդող ամենակարևոր հարցերի շուրջ: Ղրիմի բռնակցումից և ռուսամետ անջատողականների կողմից Դոնբասի տարածքների գրավումից անմիջապես հետո Ռուսաստանը հեռացվել էր համաշխարհային առաջատար տերությունների մեկ այլ կազմակերպությունից՝ G7-ից:
