16.01.2025 | 20:00
ԱՄՆ-ի նոր վարչակազմը Ալիևին պատժամիջոցների ուղերձ պիտի տա՝ ՀՀ-ի դեմ հարձակումը կանխելու համար․ Տիգրան Գրիգորյան․ ՏԵՍԱՆՅՈՒԹ
ԱՄՆ-ը նոր պատժամիջոցներ կսահմանի ՌԴ-ի դեմ․ Բայդենը Եվրոպա է մեկնում
Քաղաքականություն
23.03.2022 | 10:36
ԱՄՆ նախագահ Ջո Բայդենն այսօր կմեկնի Եվրոպա, որտեղ ակնկալվում է, որ կհայտարարի Ռուսաստանի դեմ նոր պատժամիջոցների մասին, գրում է Sky news-ը։
Նա պատրաստվում է այս շաբաթ մասնակցել ՆԱՏՕ-ի և G7-ի ղեկավարների հետ բանակցություններին։ Բայդենի առաջին կանգառը կլինի Բրյուսելում։
The Wall Street Journal-ի փոխանցմամբ՝ ԱՄՆ-ը պատժամիջոցներ է նախապատրաստում Ռուսաստանի խորհրդարանի ստորին պալատի ավելի քան 300 պատգամավորների դեմ։
«Վերջնական որոշումներ չեն կայացվել այն մասին, թե ում կպատժենք և քանիսին կպատժենք։ Հավելյալ պատժամիջոցները հինգշաբթի կհամաձայնեցվեն մեր դաշնակիցների հետ, երբ նախագահը հնարավորություն ունենա խոսել նրանց հետ»,- ասել է Սպիտակ տան ներկայացուցիչը։
Տեղեկացվում է, որ Բայդենն իր այցի շրջանակներում նաև համատեղ գործողությունների վերաբերյալ հայտարարություն կանի Եվրոպայի էներգետիկ անվտանգության վերաբերյալ, որը մեծապես կախված է ռուսական գազից։
